FÝTBOLDAN ÁLEM ChEMPIONATY-2022
  Jańalyqtar  >

Ashyq azamattyq qoǵamnyń irgesi qalandy dep kúmánsiz aıtýǵa bolady – Memleket basshysy

2022 jylǵy 6 qazan, 16:53
Ashyq azamattyq qoǵamnyń irgesi qalandy dep kúmánsiz aıtýǵa bolady – Memleket basshysy

ASTANA. QazAqparat - Ashyq azamattyq qoǵamnyń irgesin qaladyq dep kúmánsiz aıtýǵa bolady. Bul týraly búgin prezıdent saılaýynda Qasym-Jomart Toqaevtyń kandıdatýrasyn qoldaý jónindegi halyqtyq koalıtsııa forýmynda sóz sóılegen QR Prezıdenti aıtty, dep habarlaıdy QazAqparat tilshisi.

«Maýsym aıynda ótken referendým memleketimizdiń baǵdary durys ekenin kórsetti. Endi órkenıetti prezıdenttik basqarý júıesine kóshemiz. Saıası reformalar arqyly «Kúshti Prezıdent – yqpaldy Parlament – esep beretin Úkimet» qaǵıdatyn ornyqtyratyn boldyq. Kelesi jyldan bastap Májilis pen máslıhattar aralas júıe boıynsha saılanady. Bılik tarmaqtary arasynda tepe-teńdik ornatý úshin sharalar qabyldandy. Prezıdenttiń birqatar ókilettigi Parlamentke berildi. Óńir basshylary balamaly jolmen tańdalatyn boldy», - dedi Memleket basshysy halyqtyq koalıtsııanyń forýmynda.

prezıdent sondaı-aq, aýyl ákimderin tikeleı saılaý tásili qoldanyla bastaǵanyn atap ótti.

«Saıası partııalarǵa jaǵdaı jasaý úshin zańdarǵa ózgeris engizildi. Áıelderge jáne jastarǵa saıasat salasynda jeńildikter berildi. Múmkindigi shekteýli jandar da tys qalmady. Ashyq azamattyq qoǵamnyń irgesin qaladyq dep kúmánsiz aıtýǵa bolady. Qazirgi aqparat, ınternet dáýirinde saıası damýdyń basqa balama joly joq», - dedi Prezıdent.


Seriktester jańalyqtary

Jańalyqtar