Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

AShM bıylǵy astyq shyǵymdylyǵyna qatysty pikir bildirdi

2019 jylǵy 7 maýsym 11:53 721
Bólisińiz:
AShM bıylǵy astyq shyǵymdylyǵyna qatysty pikir bildirdi

NUR-SULTAN. QazAqparat - Bıyl astyq shyǵymdylyǵy byltyrdan kem bolmaıdy degen oıdamyz. Bul týraly Úkimet úıinde ótken baspasóz máslıhatynda QR Aýyl sharýashylyǵy birinshi vıtse-mınıstri Aıdarbek Saparov málim etti, dep habarlaıdy QazAqparat tilshisi.

«Aldaǵy astyqtyń ónimdiligi boıynsha jaqsy jaǵdaılar jasaldy dep oılaımyz. Jalpy, kóktemgi egis jumystary qolaıly merzimde ótkizildi, sapaly tuqym qamtamasyz etilip, tyńaıtqyshtar da ýaqtyly sebildi. Jaýyn-shashyn deńgeıi tıisti normaǵa saı bolyp tur. Sondyqtan astyq shyǵymdylyǵy byltyrǵy deńgeıden kem bolmaıdy degen pikirdemiz. Árıne, buǵan kúzgi egin oraǵy naýqanyna daıyndyǵymyz da áser etetini anyq.  Osy kezeńde klımattyq jaǵdaıdyń yqpaly zor. Bul turǵyda egindi shyǵynsyz oryp alýǵa tyrysamyz», - dedi ol.

Sonymen qatar, A. Saparov aýyl sharýashylyǵy óniminiń eksportyna qatysty toqtala kele,  búginde eksport Ortalyq Azııa, Eýropa elderi baǵyttalyp jatqanyn, byltyrdan bastap Vetnamǵa ónim shyǵarylyp jatqanyn atap ótti.

 «Úlken naryqtardyń biri  - ol Qytaı. Osy elge ónim ótkizýge qatysty tıisti sharalar atqarylyp jatyr», - dedi ol.

Budan buryn habarlanǵandaı,  Aıdarbek Saparov elimizdiń barlyq óńirinde kóktemgi egis naýqany aıaqtalǵanyn málim etti.

 

 

 

Bizdiń kanalymyzǵa jazylyńyz:

Basty sózder: Aýyl sharýashylyǵy, QR AShM,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT