AShM basshysy nan qanshalyqty qymbattaıtynyn aıtty

NUR-SULTAN. QazAqparat – Aýyl sharýashylyǵy mınıstri Saparhan Omarov nan baǵasy qanshaǵa qymbattaıtynyna qatysty boljamyn aıtty, dep habarlaıdy QazAqparat tilshisi.

Uqsas jańalyqtar

SQO-da nan qymbattamas úshin sharýashylyqta naýbaıhanalardy iske qosý kerek - ákim

Túrkistan oblysynda áleýmettik nannyń ortasha baǵasy 71,5 teńge Pavlodarda nannyń qymbattaýyna qatysty AShM jaýapty hatshysy pikir bildirdi Qazaqstanda Nan kúni toılanady

«Nannyń qymbattaýy jaıly... Meniń oıymsha, nan baǵasy ósedi. Biraq, bul shamaly deńgeıde ǵana ósýi kerek. Nan baǵasynyń kúrt kóterilýine jol bermeý úshin biz qazir turaqtandyrý qorynan astyq satyp alyp jatyrmyz. Sonymen qatar, ár oblys ákimdigi astyq pen un satyp alady. Jyl saıyn ishki naryqtaǵy baǵany turaqtandyrý úshin Azyq-túlik korporatsııasy 150-den 250 myń tonnaǵa deıin astyq satady», - dedi Saparhan Omarov Úkimettiń baspasóz ortalyǵynda.

Ol óz sózin naqty sandarmen keltirdi.

«Baǵa aımaqtarǵa baılanysty. Qazir nan baǵasy 75-85 teńge shamasynda. Meniń boljamym boıynsha, nan baǵasy 80-82 teńgege baryp qalýy kerek», - dedi mınıstr.

Eske sala ketsek, búgingi Úkimet otyrysynda Aýyl sharýashylyǵy mınıstri Saparhan Omarov Qazaqstanda 19,1 mln tonna astyq bastyrylǵanyn, ortasha ónimdilik gektaryna 12,6 tsentnerdi quraǵanyn málim etken bolatyn. Al Úkimet basshysy Asqar Mamın jınalǵan egindi saqtap qalý úshin barlyq kúsh-jigerdi jumsaýdy júktedi.