+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

AShM basshylyǵy qus tumaýymen baılanysty jaǵdaıdy naqtylaý úshin SQO-ǵa bardy

2020 jylǵy 19 qyrkúıek 17:25
Bólisińiz:
AShM basshylyǵy qus tumaýymen baılanysty jaǵdaıdy naqtylaý úshin SQO-ǵa bardy

NUR-SULTAN. QazAqparat - QR Aýyl sharýashylyǵy mınıstri Saparhan Omarovtyń tapsyrmasymen vıtse-mınıstr Gýlmıra Isaeva bastaǵan arnaıy top Soltústik Qazaqstan óńirine keldi.

Uqsas jańalyqtar
Shyǵys Qazaqstanda qus tumaýy tirkeldi Qus tumaýy saldarynan shyǵyndy óteýge qosymsha qarajat kerek - Saparhan Omarov Qus tumaýyna qatysty jaǵdaı turaqtandy – Asqar Mamın

Olar oblysta joǵary patogendi qus tumaýynyń taralýyna jol bermeý maqsatynda jasalyp jatqan keshendi sharalardyń barysyn tekserdi. Bul týraly QR Aýyl sharýashylyǵy mınıstrliginiń baspasóz hatshysy Janjigit Omarhan óziniń Facebook áleýmettik jelisindegi paraqshasynda habarlady.

«Ózderińiz biletindeı, Qazaqstanda 2005 jyldan beri qus tumaýy bolmaǵan. Sondyqtan biz Soltústik Qazaqstan oblysyna óńirde indetke qarsy jumysty durys úılestirýge jáne vaktsınatsııa sharalaryn uıymdastyrýǵa, sondaı-aq aýrý oshaqtary anyqtalǵan aýmaqtardy jáne qustardyń ólekselerin joıýǵa kómektesý úshin keldik. Táýekelderdi baǵalaý jáne qus tumaýynyń odan ári taralýyn boldyrmaý úshin barlyq is-áreketterdiń durystyǵyna kóz jetkizý óte mańyzdy boldy.


Sondaı-aq, bizdiń mindetimiz - ólgen qustardyń ıelerine ótemaqy tóleý boıynsha jumysty jolǵa qoıý. Bizben birge Respýblıkalyq epızootııaǵa qarsy otrıadtyń basshysy óz mamandarymen keldi. Olar ótinishterdi qabyldap, zańǵa sáıkes tólemder júrgizedi», - dedi arnaıy toptyń kelý maqsaty týraly QR AShM vıtse-mınıstri.

Sonymen qatar, ol komıssııa óńirdegi qus fabrıkalarynyń basshylarymen kásiporyndar aınalasynda «bıologııalyq qaýipsiz ári oqshaýlanǵan» aımaqtar qurý máselesi boıynsha kelissózder júrgizgenin habarlady. Barlyq qajetti talaptar oryndalǵan jaǵdaıda óńirdiń qus fabrıkalary óz ónimderin erkin ótkizý quqyǵyn ala alady.


«Soltústik Qazaqstan oblysyndaǵy jaǵdaı jáne arnaıy toptyń sapary týraly tolyq aqparatty QR Aýyl sharýashylyǵy vıtse-mınıstri Gúlmıra Isaeva dúısenbide QR Prezıdenti janyndaǵy Ortalyq kommýnıkatsııalar qyzmetiniń alańynda jarııalaıdy», - dep jazdy QR AShM Baspasóz hatshysy Janjigit Omarhan Facebook-tegi paraqshasynda.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT