+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

AShM «Aýyl - el besigi» jobasy boıynsha naqty usynys jasady

2019 jylǵy 22 qańtar 18:26
Bólisińiz:
AShM «Aýyl - el besigi» jobasy boıynsha naqty usynys jasady

ASTANA. QazAqparat - Aýyl sharýashylyǵy vıtse-mınıstri Arman Evnıev Memleket basshysynyń Joldaýynda belgilengen tapsyrma boıynsha bastaý alǵan «Aýyl - el besigi» jobasyn júzege asyrýǵa qatysty pikirimen bólisti, dep habarlaıdy QazAqparat tilshisi.

«Memleket basshysy áleýmettik ortany jańǵyrtý týraly naqty tapsyrmalar berdi. Ókinishke qaraı, kópshilik «Aýyl - el besigi» jobasyn Aýyl sharýashylyǵy mınıstrliginiń jumysy dep túsinedi. ıAǵnı, jobanyń birinshi ataýy «aýyl» boldy ma, demek, kóp adam bul sharýany Aýyl sharýashylyǵy mınıstrligi iske asyrýy kerek dep oılaıdy ǵoı deımin. Al shyn máninde aýyl jobasy týraly ıdeıanyń máni tereńde jatyr. Ár azamatqa aýyl ystyq. Ulttyq kodymyz aýyldan bastalady. Aýylda otandy súıýdi úıretedi, otbasy tárbıesi sonda beriledi», - dedi vıtse mınıstr «Rýhanı jańǵyrý» baǵdarlamasyn júzege asyrýdyń tyń baǵyttary talqylǵan jıynda.

Arman Evnıevtiń aıtýyna qaraǵanda, jobany júzege asyrý úshin Aýyl sharýashylyǵy mınıstrligi ózindik qaǵıdattaryn da bekemdep qoıǵan.

«Ázirge naqty sheshim bolmasa da, biz biraz dúnıe usynyp otyrmyz. Eń aldymen, osy tapsyrmany oryndaý úshin naqty maqsattardy aıqyndap alý kerek. Bizdiń mıssııa - adamı kapıtaldy damytý úshin orta qalyptastyrý jáne aýyldaǵy eńbek adamynyń mártebesin moıyndaý. Eger azamat aýylda turyp, adal eńbegimen alǵa jyljyp jatsa, bul eń úlken qurmetke laıyq. «Sabaǵyńdy oqy, oqymasań mal baǵasyń» degen kózqarastan arylyp, «sabaq oqy - oqymasań erteń mal sharýashylyǵymen aınalysa almaısyń» dep úıretý kerek», - deıdi ol.

Vıtse-mınıstr óz sózinde atap ótkendeı, adamdar aýyl sharýashylyǵymen aınalysýdy arman etýi tıis.

«Bizdiń balalar kovboılardy úlgi tutady. Biraq, kovboı degenińiz - kádimgi malshy. Áýejaılarda kórip qalsa, halyq kovboılarǵa qanshama qurmet kórsetip jatady. Bizde de sondaı úlgi bolýy tıis. Mine, sondyqtan naqty belgilengen maqsattar - aýyldyq eldimekenderde áleýmettik-ekonomıkalyq ınfraqurylymdy jańǵyrtý. Osy baǵyttaǵy jumys 2030 jylǵa qaraı aýyldaǵy halyqtyń 80 paıyzyn zamanaýı ómir sapasynyń standarttaryna saı etýge múmkindik beredi», - dedi Arman Evnıev.

Onyń aıtýynsha, aýyldaǵylar da qala turǵyndary sııaqty bilimge, medıtsınaǵa, balabaqsha men aýrýhanalarǵa, mádenı ortalyqtarǵa, ınternetke, baspanaǵa qol jetkize alýy kerek.

«Taldaý jasap otyrsaq, elimizde 6651 aýyl bar eken. Barlyq aýylda sondaı jaǵdaı jasaý úshin óte kóp aqsha kerek. Olaı ete almaýymyz da múmkin. Biraq, 6651 aýyldyń ishinen myń jarymyn iriktep alyp, olardy shaǵyn qalaǵa aınaldyrýǵa ábden bolady. Biz ol jumysty taldap, eseptep otyrmyz. Demek, buǵan qol jetkizýge bolady. Respýblıkalyq bıýdjetten bólinetin qarajat osy maqsatqa jetedi. Tek osy qarjyny úılestire bilýimiz kerek», - dedi Arman Evnıev.

Eske sala ketsek, ótken jyly Memleket basshysy Nursultan Nazarbaev Qazaqstan halqyna Joldaýynda aýyldyq jerlerdi qoldaý jáne jas urpaqty tárbıeleý jumysy boıynsha tyń bastamalar kótergen bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT