+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Ashat Aımaǵambetov JOO basshylaryna: Pedagogtardy mindetinen tys jumysqa tartpańyzdar

2020 jylǵy 22 qyrkúıek 12:00
Bólisińiz:
Ashat Aımaǵambetov JOO basshylaryna: Pedagogtardy mindetinen tys jumysqa tartpańyzdar

NUR-SULTAN. QazAqparat – Bilim jáne ǵylym mınıstrligi ýnıversıtetterden eshqandaı qujattardy talap etpeıdi. Mınıstrlik apparatynyń otyrysynda Ashat Aımaǵambetov osylaı aıtty, dep habarlaıdy QazAqparat tilshisi.

Uqsas jańalyqtar
Shymkentte taǵy bir ýnıversıtet negizgi lıtsenzııasynan aıyryldy Joǵary bilim berý júıesindegi negizgi eki problema qandaı

«Ártúrli reformalar júzege asyrylyp jatyr. Olar kerek. Alaıda sonyń ishinde eń basty máseleniń biri – pedagogtarǵa kedergi jasaıtyn esep, jalaqy jáne derbestik máselesi. Biz mektepter boıynsha arnaıy buıryqtar qabyldap, toltyratyn naqty tizimdi bekittik. Mekteptegi másele edáýir rettelip qaldy. Kezinde elektrondy kúndelikti engizgen kezde de qanshama suraq týyndaǵan. Biraq tsıfrlandyrý baǵytynda biz alǵa jyljydyq», - dedi Ashat Aımaǵambetov mınıstrliktiń apparattyq otyrysynda.

Ashat Aımaǵambetovtyń aıtýynsha, joǵary oqý oryndarynyń pedagogtaryna qatysty qaǵazbastylyq problemasyn sheshý kerek.

«Qazirgi ýaqytta biz akademııalyq jáne basqarýshy quzyretterdiń bárin ýnıversıtetterge berip jatyrmyz. Sonyń sheńberinde mınıstrlik rettep otyrǵan ártúrli qujattyń bárin alyp tastadyq. 2 qyrkúıek kúni buıryqqa qol qoıyp, ony Ádilet mınıstrligine tirkedik. Endi osy buıryqtyń sheńberinde jumys isteý kerek. Bilim jáne ǵylym mınıstrligi ýnıversıtetterden eshqandaı qujattardy talap etpeıdi», - dedi ol.

Mınıstr JOO pedagogtary qajetsiz jumystardyń bárinen bosap, óz mindetimen aınalysýy kerektigin málim etti.

«Qazir mıǵa syımaıtyn esep túrleri bar. Moıyndaý kerek. Kásipti aıqyndaý jýrnaly, jumysqa ornalasqany týraly anyqtama talap etiledi. JOO-lardyń bári demeımin, biraq birazy áli kúnge deıin osy anyqtamany talap etip júr. Onyń ne keregi bar? Bilim jáne ǵylym mınıstrligine ol qujat múlde kerek emes. Jumysqa ornalasý kórsetkishin biz basqa memlekettik organdardyń elektrondy bazasynan ala salamyz. Málimetter jetedi. Tipti pedagogtarǵa oıǵa syımaıtyn talapty qoıatyndar bar. Ásirese jazda keıbir JOO-lardaǵy pedagogtardyń jumysy qanshama abıtýrıentti oqý ornyna tarta alatynyna baılanysty baǵalanady. Bul tipti nonsens. Shyn máninde pedagog óz isimen aınalysýy kerek», - dedi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT