+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Ashat Aımaǵambetov úıde oqyǵysy kelmeıtin Nurıslamǵa jaýap berdi

2020 jylǵy 31 naýryz 14:30
Bólisińiz:
Ashat Aımaǵambetov úıde oqyǵysy kelmeıtin Nurıslamǵa jaýap berdi

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov úıde oqyǵysy kelmeıtin oqýshy Nurıslamnyń vıdeosyna pikir bildirdi, dep habarlaıdy QazAqparat tilshisi.

Áleýmettik jelide Nurıslam esimdi uldyń mektepke barǵysy keletini, anasynyń sabaqty «durys túsindirmeıtini» týraly vıdeo taraǵan edi.

«Pedagog retinde bul vıdeony júregime jaqyn qabyldadym. Nurıslamǵa anasynyń ony jaqsy kóretinin, tek qana jaqsylyq tileıtinin jáne sol úshin jaqsy oqyǵanyn qalaıtynyn aıtqym keledi. Anaǵa renjýdiń qajeti joq. Onyń tilin alyp, renjitpeýge tyrys», - dep jaýap berdi mınıstr Ortalyq kommýnıkatsııalar alańyndaǵy brıfıngte tilshi saýalyna.

Sonymen birge, mınıstr Nurıslam sekildi myńdaǵan balalardyń ustazy men synyptastaryn saǵynyp júrgenin aıtty.

«Munyń barlyǵy elimizde saǵynýǵa turarlyq tamasha pedagogtardyń bar ekenin kórsetedi. Biz olardy qadirlep, baǵalaýymyz qajet. Balalarǵa aıtarym, qazir kóp oqý kerek. Sabaqty toqtatpaımyz, kún saıyn muǵalimmen jáne synyptastarmen baılanysta bolý úshin jaǵdaı jasaımyz. Sender ata-ana men ustazdardy tyńdańdar. Qoldy sabynmen jıi jýyp, jaqsy tamaqtanyp, jańa oqý kezeńine ázirlenińizder», - dedi A. Aımaǵambetov.

Buǵan deıin mınıstr qazaqstandyq mektep oqýshylarynyń teledıdar, radıo, ınternet jáne poshta arqyly bilim alatynyn málimdegen edi.

1 sáýirde Qazaqstannyń barlyq mektepteri qashyqtan oqytý boıynsha synama sabaq ótkizedi.

Barlyq suraqtar boıynsha Bilim jáne ǵylym mınıstrliginiń 1450 koll-ortalyǵyna habarlasýǵa bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT