+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ashat Aımaǵambetov Reseıdiń Perm ýnıversıtetindegi atysqa qatysty pikir bildirdi

2021 jylǵy 20 qyrkúıek 16:43
Bólisińiz:
Ashat Aımaǵambetov Reseıdiń Perm ýnıversıtetindegi atysqa qatysty pikir bildirdi

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Reseıdiń Perm ýnıversıtetindegi atysqa baılanysty pikir bildirdi, dep habarlaıdy QazAqparat mınıstrdiń Facebook-tegi paraqshasyna silteme jasap.

Uqsas jańalyqtar
«Kalmar oıyny» serıalyn kámeletke tolmaǵandar kórmeýi kerek – Bilim mınıstrligi Reseıdiń Perm qalasy mańyndaǵy mektepte oq atyldy Bıyl turmysy tómen otbasynan shyqqan 1 myńnan astam bala saýyqtyrý kýrstarynan ótti - BǴM

«Perm ýnıversıtetinde atys saldarynan qaza bolǵandardyń týystary men jaqyndaryna kóńil aıtamyn. Zardap shekkenderdiń tezirek saýyǵyp ketýine tilektespin. Qazan qalasyndaǵy terakt kezinde jaqyndary qaza tapqandardyń jan-jaralary áli de jazyla qoıǵan joq. Búgingi oqıǵa jyǵylǵanǵa judyryq bolyp otyr. Bul qaıǵyly oqıǵalar elimizdegi mektepterde, kolledjder men joǵary oqý oryndaryndaǵy qaýipsizdikti kúsheıtýdiń qanshalyqty mańyzdy ekenin kórsetedi. Oqý oryndarynyń árbir basshysy balalardy qorǵaý máselesine basymdyq berýi tıis»,-dep jazdy mınıstr.

Sondaı-aq ol Prezıdent Qasym-Jomart Toqaev bilim berý uıymdarynyń qaýipsizdigin qamtamasyz etý qajettiligin atap ótip, bul másele Úkimet otyrysynda egjeı-tegjeıli qaralyp, ákimdikterge tapsyrma berilgendigin jazdy. Sondaı-aq JOO basshylyǵyna oqý korpýstary men jataqhanalarda qaýipsizdikti kúsheıtý kerektigi aıtylǵan.

Bul tapsyrmalar – jabdyqtardy túgendeý, jedel basqarý ortalyǵyna beınekameralardy qosýdy qamtamasyz etý JOO kirý rejımin kúsheıtý jáne tótenshe jaǵdaı týyndaǵan kezde qabyldanatyn is-qımyldar boıynsha sabaqtar ótkizý.

«Qazirgi ýaqytta mınıstrlik basqa memlekettik organdarmen birlesip bilim berý obektileriniń terrorızmge qarsy qorǵalýyn uıymdastyrý boıynsha qujat ázirledi. Osy normatıvti-quqyqtyq aktini talqylaý barysynda 2000-nan astam suraq pen usynys kelip tústi. Bul qujat keıbir azamattardy alańdatatynyn bilemiz. Olar dabyl batyrmalaryn, beınebaqylaý júıesin, týrnıketterdi ornatýǵa jáne tótenshe jaǵdaıdaǵy oqý-jattyǵýlar ótkizýge qarsy ekendigin jazdy.

Men bul erejelerdiń balalarǵa qaýip tóndirmeıtinin, kerisinshe, olardyń qaýipsizdigin qamtamasyz etýge jáne mundaı jaǵdaılardyń aldyn alýǵa baǵyttalǵandyǵyn málimdeımin.

Árbir bilim berý uıymynda barlyq qaýipsizdik sharasy qabyldanýy qajet. Ákimdikter bul máseleni keshendi sheshý úshin qosymsha qarajat bólýde.

Atap aıtqanda, beınebaqylaý kamerasyn, kúzet sıgnalızatsııasy men jedel basqarý ortalyǵyna beınekameralardy qosý, ótkizý rejımi uıymdastyrý jáne qaýipsizdik júıesiniń basqa da elementter qarastyrylmaq.

Qyzmetkerler men oqýshylar tehnıkalyq sharalardan bólek, tótenshe jaǵdaı kezindegi is-qımyl alogorıtmin bilý qajet.

Sonymen qatar bilim berý uıymdarynda tárbıe jumysyn kúsheıtý de basty nazarda bolý kerek.

Biz bul máselelerge erekshe kóńil bólemiz»,-deıd Ashat Aımaǵambetov.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT