Jańalyqtar  >
Ashat Aımaǵambetov kolledjdegi orynbasarlardy qysqartýdy usyndy
2022 jylǵy 15 tamyz 20:25

Ashat Aımaǵambetov kolledjdegi orynbasarlardy qysqartýdy usyndy

NUR-SULTAN. QazAqparat – QR Oqý-aǵartý mınıstri Ashat Aımaǵambetov eldegi kolledjderdiń basqarý formasyn «sharýashylyq is júrgizý quqyǵyna» aýystyrýdy usyndy, dep habarlaıdy QazAqparat tilshisi.

«Keıbireýler «sharýashylyq júrgizý quqyǵynan» (ShJQ) qorqady, biraq uıymdastyrý-quqyqtyq formasy tıimsiz bolǵandyqtan emes, jan basyna qarjylandyrýdan qorqady. Biz birneshe kolledjge taldaý júrgizdik. Mysaly, shaǵyn kolledjde 120 stýdent, jeti orynbasar bar, toptar az. Tipti memlekettik tapsyrys somasyn 800 myń teńgege deıin kótersek te, bul qarjy kolledjge jetpeı jatady. Shtattardyń tıptik erejeleri bar ekeni túsinikti, biraq bul shtattyń barlyǵyn ustap turýǵa eshkim májbúrlemeıdi, kerisinshe, ShJQ formaty kolledj dırektoryna qarjyny únemdeýge múmkindik beredi. Orynbasarlardy azaıtyp, sol aqshany basqa nárselerge baǵyttaı alasyz. Nemese orynbasardyń ornyna advokatty nemese memlekettik satyp alýshyny jumysqa alýǵa bolady. ıAǵnı, ShJQ-daǵy format kolledjderge tıimdi», - dedi mınıstr elordada ótken tamyz konferentsııasynyń «Eńbek naryǵy jáne kásiptik bilim: jańa múmkindikter» paneldik sessııasynda.

A. Aımaǵambetov kolledjder smeta boıynsha emes, árbir stýdentti eskere otyryp qarjylandyrylatynyn eske saldy. Bul júıege úırenip, komfort aımaǵynan shyǵyp, stýdentterdi tartýdy úırený kerek.

«Bir stýdentke bólingen tutas qarajat osy kolledjge túsedi. Únemdeýdi kórip, únemdelgen qarajatty alyp qoıý bolmaıdy. Bul jaǵdaıda kolledjde únemdeýge, qosymsha shtattardy jabýǵa, basqa shtattardy engizýge jáne basqalaryna yntalandyrý bolmaıdy», - dep tolyqtyrdy mınıstr.

Buǵan deıin A. Aımaǵambetov kolledj dırektorlarynyń mektep muǵalimderinen de az aılyq alatynyn aıtqan edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT