Ashat Aımaǵambetov bilim bólimi basshylaryna: Qonaqqa kelgen joqsyzdar
2022 jylǵy 21 maýsym 12:17

Ashat Aımaǵambetov bilim bólimi basshylaryna: Qonaqqa kelgen joqsyzdar

NUR-SULTAN. QazAqparat – QR Oqý-aǵartý mınıstri Ashat Aımaǵambetov «Oqýǵa qushtar mektep» jobasy aıasynda atqarylyp jatqan jumystarǵa kóńili tolmady, dep habarlaıdy QazAqparat tilshisi.

«Qaısyńyzǵa sóz bersem de, «kóptegen jumys isteldi» deısizder de, sol jumystardy naqty tizbektep aıta almaı otyrsyzdar. Qandaı kitap, qansha kitap satyp aldyńyzdar? Kitaphanalaryńyz qalaı ózgerip jatyr? Ár apta saıyn osy jınalysqa qatysasyzdar. Biz daıyndalǵan stsenarıımen emes, osylaı tosynnan suraq qoıamyz. Kúntártibimiz belgili bolǵannan keıin aldyn ala daıyndalyńyzdar. Kóteriletin másele respýblıka, mınıstrlik deńgeıinde qaralsa, onda ol sizder úshin isteletin jumys qoı. Sizderdiń esepterińiz tyńdalady. Sondyqtan beı-jaı qarap otyrmaı osyndaı jınalystarǵa daıyndalyńyzdar», - dedi Ashat Aımaǵambetov mınıstrliktiń apparat jınalysynda.

Sonymen qatar mınıstr jınalysta sóz sóılegenimen tuymdy dúnıe aıta almaǵan áriptesterine eskertý jasady.

«Daıyn emessizder. Sizder qonaqqa kelgen joqsyzdar ǵoı. Naqty kúntártibin bilesizder. Sol kúntárbi boıynsha aýdanda, qalada, oblysta ne istelip jatyr eken dep aqparat alyp, daıyndalý kerek. Jalpylama sóz aıtyp, bári jaqsy degen esep qabyldanbaıdy», - dedi ol.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT