Ashat Aımaǵambetov balasyna qansha teńgege mektep formasyn alǵanyn aıtty
2022 jylǵy 16 tamyz 17:28

Ashat Aımaǵambetov balasyna qansha teńgege mektep formasyn alǵanyn aıtty

NUR-SULTAN. QazAqparat – QR Oqý-aǵartý mınıstri Ashat Aımaǵambetov ulynyń mektep formasyn satyp alǵan chekti jarııalady, dep habarlaıdy QazAqparat tilshisi.

«Búgin Úkimet otyrysynan keıin ulyma mektep formasyn alýǵa qansha qarajat jumsaǵanymdy surady. Ulym memlekettik mektepte oqıdy jáne oqý jylyna basqa ata-analar sııaqty daıyndalamyz. Jeksenbi kúni ulym ekeýimiz 36 000 teńgege jeıde, kostıým, shalbar jáne galstýk satyp aldyq. Túbirtekten zattardyń qunyn jáne onyń jalpy somasyn eseptep kórýge bolady», - dep jazdy mınıstr Facebook paraqshasynda.

Sondaı-aq mektep formasynan bólek, mınıstr shamamen 20 myń teńgege portpled satyp alǵan.

«Jaýabymdy rastaý úshin satyp alynǵan zattardyń túbirtekterin qosa salyp otyrmyn. Bir túbirtekte soma 26 myń teńge (Pıdjak. Shalbar. Jeıde). Ekinshi túbirtekte – 10 myń teńgeden joǵary (taǵy bir jeıde men galstýk). Jalpy somasy 36 myń teńgeden asady. Portpled shamamen 20 myń teńge. Buryn satyp alynǵan mektep formasy baryn da aıtqym keledi. ıAǵnı byltyrǵy kıimderin balam bıyl da kıedi. Mınıstrliktiń 475 myń muqtaj balaǵa mektep formasyn satyp alýyna qarjylaı kómek kórsetý sharalaryn qadaǵalap otyratynyn atap ótkim keledi. Oqý jyly qarsańynda Úkimet bul máseleni baqylaýǵa aldy. Premer-Mınıstr tıisti tapsyrmalar berdi», - dep jazdy Ashat Aımaǵambetov.

Buǵan deıin Oqý-aǵartý mınıstri Úkimet kýlýarynda mektep formasy týraly tilshilerdiń suraǵyna jaýap bergen edi.


Foto: facebook.com/askhat.aimagambetov




Uqsas jańalyqtar
Seriktester jańalyqtary

Jańalyqtar

Úrdis

MURAǴAT