+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Ashat Aımaǵambetov almatylyq oqýshynyń hatyna jaýap berdi

2019 jylǵy 6 qarasha 20:14
Bólisińiz:
Ashat Aımaǵambetov almatylyq oqýshynyń hatyna jaýap berdi

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov almatylyq oqýshy Nurbaqyt Ǵalymjannyń hatyna jaýap berdi, dep habarlaıdy QazAqparat.

Uqsas jańalyqtar
Erazmýs+ jáne Tempýs jobalary bizdiń bilim berý júıemizdi ózgertti – Shaızada Tasbolatova Ózbekstanda úsh jylda 48 jańa ýnıversıtet ashyldy Elimizdegi bilim sapasy eýropalyq standarttarmen sáıkes keledi – QR BǴM

«Nurbaqyt, seniń Prezıdent Qasym-Jomart Toqaevqa jazǵan hatyńdy oqydym. Memleket basshysy halyq únine qulaq asatyn memleket tujyrymdamasyn usyndy jáne bizge – memlekettik qyzmetshilerge ózekti suraqtarǵa der kezinde jaýap berýdi tapsyrdy. Seniń pikirińdi baǵalaımyn, biraq meniń moınyma elimizdiń barlyq oqýshylary úshin jaýapkershilik artylǵan. Bilim mınıstrliginiń jumysy seniń jáne dostaryńnyń bilimdi azamat bolyp ósýine, Qazaqstannyń damýyna úles qosýǵa baǵyttalǵan», - dep jazdy mınıstr Facebook jelisindegi resmı paraqshasyna.

Mınıstr mektep baǵdarlamasyndaǵy barlyq pánniń mańyzdy ekenin atap ótti.

«Bir pándi oqý úshin ekinshi pándi bilý qajet. «Jaratylystaný» - óte qyzyqty pán, ol seni qorshaǵan ortamen tanystyrady. Al «Ólketaný» óziń týyp-ósken aımaqtyń tarıhyn baıandaıdy. Sál tyryssań, oqý jylynyń sońyna deıin osy pánderden jaqsy nátıje kórseterińe senimdimin. Kanıkýlǵa kelsek, sen oqıtyn mektep baǵdarlamasy kanıkýl kúnderi jetkilikti bolatyndaı, kelesi toqsanǵa deıin demala alatyndaı etip qurylǵan», - dedi A. Aımaǵambetov.

Sonymen birge, oqýshylar baratyn sporttyq úıirmeler men ortalyqtardyń sany artady.

«Seniń sportqa degen talpynysyńdy qoldaımyn. Qazir seniń qalańda sporttyq úıirmeler jumys isteıdi, biz olardyń sanyn kóbeıtip jatyrmyz. Odan bólek, Almatyda Oqýshylar saraıy, Oqýshylar úıi bar, mundaı saraılardy da kóptep turǵyzamyz. Sen sekildi balalar sportqa qyzyǵýshylyǵyn joǵaltpaýy úshin, sporttyq, shyǵarmashylyq, kórkem úıirmelermen qamtylýy úshin olardyń jumysyn jetildiremiz. Nurbaqyt, bálkim sen chempıon nemese tanymal ǵalym bolarsyń. Biraq, eń bastysy – jaqsy adam jáne elimizdiń laıyqty azamaty bolyp er jetýińe tilektespin», - dep lebiz bildirdi mınıstr.

Aıta keteıik, Almaty qalasy №138 gımnazııanyń 4-synyp oqýshysy Nurbaqyt Ǵalymjan Prezıdentke hat jazǵan bolatyn. Onda Nurbaqyt kanıkýldyń azdyǵyn jáne keıbir pánderdiń qyzyq emestigin synaǵan.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT