Ashat Aımaǵambetov Aqmola oblysyndaǵy mektepterdiń jetistigi men kemshiligin atady
2022 jylǵy 23 maýsym 19:40

Ashat Aımaǵambetov Aqmola oblysyndaǵy mektepterdiń jetistigi men kemshiligin atady

NUR-SULTAN. QazAqparat – QR Oqý-aǵartý mınıstri Ashat Aımaǵambetov Aqmola oblysyna jasaǵan sapary barysyndaǵy bilim oshaqtarynyń atqaryp jatqan jumystaryna baǵa berdi.

Ol týraly mınıstr óziniń Facebook paraqshasynda jazdy, dep habarlaıdy QazAqparat.

«Aqmola oblysyndaǵy birneshe aýyl mektebin araladym. Bul mektepterdiń jaǵdaıy, tártibi, tazalyǵy, jabdyqtalýy, basshylardyń tapsyrmalar men óz mindetterin túsinýi sııaqty máseleler kóńil kónshitpeıdi. Jumys mektep basshylary deńgeıinde durys júrgizilip otyrǵan joq. Sonymen qatar mektep kitaphanalarynyń jumysy da talapqa saı emes. Bul ákimge, basqarma basshysyna emes, dırektordyń jumysyna baılanysty.

Jumys saparlary kezinde mektepterden úlgi alarlyq jumystardy da, kemshilikterdi de baıqaımyn.

Endi jumystyń jaǵymdy bóligine de toqtalaıyn. Respýblıkalyq «Jas maman» jobasy boıynsha jabdyqtalǵan Aqmola oblysynyń Joǵary tehnıkalyq kolledjinde boldym. Materıaldyq-tehnıkalyq jaǵynan tıisti deńgeıde jabdyqtalǵan. Túlekterdiń jumysqa ornalasýy men jumyspen qamtylýy 97%.

Ujymnyń maqtaýǵa turarlyq jumysyn da elemeýge bolmaıdy. Óndiristik oqytý sheberleri jáne arnaıy pán oqytýshylary óz jumysy men mindetin biledi. Jumys berýshilermen tyǵyz baılanys ornatylǵan. Qańtar men naýryz aralyǵynda stýdentter sheteldik kompanııalarda aqyly óndiristik tájirıbeden ótken. Sonymen birge jumys berýshilerdiń qatysýymen demo-emtıhandar da ótkiziledi. Onymen qosa, kolledjde praktıkalyq sabaqtarda óndirilgen ónimderdi satý jumystary jolǵa qoıylǵan»,-deıdi mınıstr.

Sonymen qatar ol ýchınsk qalasyndaǵy jańa «Bilim-ınnovatsııa» IT lıtseıinde de bolǵanyn aıtty.

Mekteptiń pedagogıkalyq quramynyń sapasy, materıaldyq-tehnıkalyq bazasy, sapaly jumysy men aýqymdy josparlary kóńilden shyqty. Munda oqytý protsesine standartty túrde emes, shyǵarmashylyq tásilder arqyly qaraıdy, onymen qosa, eń bastysy óz isine shyn yqylaspen qaraıtyn muǵalimderdiń bary qýantty.

«Áriptesterimiz bilim berý baǵdarlamalaryna, ІT lıtseılerdiń úlgilerine óz usynystaryn daıyndaýǵa kelisimin berdi. Al biz aldaǵy ýaqytta soǵan qatysty tıisti sheshim qabyldaımyz. Osy bilim berý uıymynyń barlyǵyna tapsyrmalar berip, olardy oryndaý merzimderin belgiledim»,-dep jazdy Ashat Aımaǵambetov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT