+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Ash qarynǵa sheshim qabyldaýǵa bolmaıdy – Álemdik baspasózge sholý

2019 jylǵy 22 qyrkúıek 15:03
Bólisińiz:
Ash qarynǵa sheshim qabyldaýǵa bolmaıdy – Álemdik baspasózge sholý

NUR-SULTAN. QazAqparat – «QazAqparat» HAA ádettegideı oqyrman nazaryna álemdik aqparat kózderine sholýyn usynady.

Uqsas jańalyqtar
Japonııadaǵy Hagıbıs daýylynan qaza tapqandar sany 35-ke jetti Ońtústik Koreıa zańsyz júrgen sheteldikterdiń elden shyǵý erejelerin kúsheıtti Túrikmenstanda ishki ister mınıstri jumystan qýylyp, sheni general-leıtenanttan maıorǵa tómendetildi

Saýd Arabııasy munaı shabýyldaryna jaýap qaıtaratynyn aıtty – VVS


Saýd Arabııasy munaı oryndaryna bolǵan shabýylǵa «tıisti sharalarmen» jaýap qaıtaratynyn málimdedi. Syrtqy ister mınıstri habarlaǵandaı, qoldanylǵan qarý ırandiki bolyp shyqqan jáne tereý nátıjeleri jaqynda jarııalanady, dep habarlaıdy VVS.

Basylymynyń habarlaýynsha, Iran munaı oryndaryna jasalǵan shabýylǵa qatysy bar ekenin joqqa shyǵardy. Al Saýd Arabııasynyń syrtqy ister mınıstri tergeý jumystary aıaqtalǵannan keıin «tıisti sharalar» qabyldaıtynyn jetkizdi.

«Munaı obektisine shabýyl Tsemennen emes, soltústikten jasaldy. Saýd Arabııasy álem ekonomıkasyna keri áserin tıgizgen bul oqıǵaǵa jaýapty halyqaralyq qaýymdastyqty osy áreket úshin jaýapkershilikti óz moınyna alýǵa shaqyramyz», dedi ol jýrnalıster aldynda.

Saýd Arabııasynyń qorǵanys mınıstrligi oqıǵa ornynan Iranǵa tıesili raketalar tapqanyn habarlady. AQSh-ta bul oqıǵaǵa Irandy kinálap, prezıdenti Donald Tramp Iranǵa qarsy salynatyn sanktsııalar jaıly aıtty.

Ash qarynda sheshim qabyldaýǵa bolmaıdy – Die Welt


«Qarnyń ashyp turǵan kezde sýpermarketten saýda jasaý jaqsy ıdeıa emes ekeni jıi aıtylyp júr. Ǵalymdardyń aıtýynsha, ash qarynǵa, tipti, sheshim qabyldaý da durys emes», deıdi nemis basylymy Die Welt.

«Dandı ýnıversıtetiniń psıhologtary Bendjamın Vınsent pen Djordan Skrynka elý adamǵa eksperıment júrgizdi. Qatysýshylar qarny toq kezde jáne on saǵattyq ashyǵýdan keıin suraqtarǵa jaýap berdi. Mysaly, olardan qazir aqsha nemese tamaq kerek pe nemese biraz ýaqyttan keıin eki eselenip alýǵa daıynsyń ba degen suraqtar qoıyldy», dep jazady basylym.

Avtordyń aıtýynsha, qarny ash qatysýshylar qysqamerzimdi áreketterdi tańdaǵan. «Qarny toq qatysýshylar eki eselengen syılyq alý úshin otyz bes kún kútýge daıyn bolǵan, al qarny ash adamdar tek úsh kún kúte alatynyn aıtqan», deıdi psıholog Vınsent.

Onyń aıtýynsha, ash adam tek qazirgi sátin ǵana oılaıdy.

«Aldaǵy ýaqytta artyqshylyq bere alatyn sheshimderge emes, qazirgi kúnge basa nazar aýdarý qarjylyq sheshim qabyldaǵanda erekshe mańyzdy. Al balalyq shaqta ózin baqylaı alǵan balalar ómirde úlken jetistikterge jetken», de ıdi ol.

AQSh turǵynynyń qany kók tústi bolyp ketti – CNN


Aýyrsynýdy basatyn dárini kóp mólsherde qabyldaǵan amerıkalyq azamatshanyń qany kók tústi bolyp ketti, dep jazady CNN .

«Tisi aýrǵan kez kelgen adam aýyrsynýdy basýdy ǵana qalaıdy Amerıka Qurama Shtattarynyń 25 jastaǵy turǵyny da sony qalady. Degenmen, ol uıyqtar aldynda aýyrsynýdy basatyn dárini tym kóp mólsherde qabyldaǵan», dep jazady basylym.

Avtordyń habarlaýynsha, tańerteń ol álizdik sezinip, dárigerge barǵan. Dárgerler odan qan alyp, qannyń qoıý kók tústi ekenine tańǵalǵan. Naýqastyń tyrnaqtary da kók tústi bolǵan.

«Buǵan aýyrsyndy basatyn dári áser etken. Sebebi mundaı dáriler quramynda benzokaın bar. Naýqastyń qanynda kıslorod 67 % bolǵan, negizinen 95-100 % bolýy tıis. Sol sebepti qan túsi ózgergen», dep jazady avtor.

Úndistanda tórt aıaǵy, úsh qoly bar bala dúnıege keldi – The Mirror



Úndistannyń Tonka qalasynda tórt aıaǵy, úsh qoly bar qyz bala dúnıege keldi. Dárigerlerdiń aıtýynsha, egiz ul men qyzdy dúnıege alyp kelgen jıryma tórt jastaǵy áıel negizi úshem týýy kerek bolǵan, dep jazady The Mirror basylymy.

«Negizi, áıel úshem týýy kerek bolǵan. Biraq eki uryq tiri qalyp, bireýi qyzǵa kirigip ketken. Artyq qol men aıaq qyzdyń ishinde ornalasqan. Sonymen qatar balanyń ókpesinde de kinarat bar. Dárigerlerdiń aıtýynsha, operatsııa arqyly artyq qol men aıaqty alyp tastaý sharalary qarastyrylyp jatyr», dep jazady basylym.

Qytaı jýrnalısteri emtıhan tapsyrady – LeFigaro


Qytaı jýrnalısteri Kommýnıstik partııaǵa jáne onyń basshysyna adaldyǵyn dáleldeý úshin emtıhan tapsyrady. Emtıhannan ótpegen jýrnalısterdiń qyzmettik kýáligi qaıtaryp alynady, dep jazady Frantsııanyń Le Figaro basylymy.

Basylymynyń habarlaýynsha, 14 resmı BAQ-ta isteıtin 10 myńnan astam jýrnalıst emtıhan tapsyratyn bolady.

«Emtıhan toqsan mınýtqa sozylady. Emtıhannyń maqsaty – jýrnalısterge Partııaǵa jáne onyń basshysyna qyzmet etetinderin eske salý. Bul tájirıbe boıynsha emtıhan smartfondar arqyly qabyldanady. Emtıhannan ótý úshin 120-dan 80-ge deıin ball jınaý kerek. Synaqtan ótpeı qalǵandar jýrnalıstik qyzmetpen qoshtasyp, kásibı qyzmetke jiberilmeıtin bolady», dep jazady basylym.



Bizdiń kanalymyzǵa jazylyńyz:

Basty sózder: BAQ, Álem,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT