+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Asan Joldasov: Ustazdar qoǵamdastyǵy úshin úlken jaýapkershilikti sezinip otyrmyn

2019 jylǵy 30 qyrkúıek 13:56
Bólisińiz:
Asan Joldasov: Ustazdar qoǵamdastyǵy úshin úlken jaýapkershilikti sezinip otyrmyn

NUR-SULTAN. QazAqparat – Oqytýshy mamandyǵymen kózge túsken Asan Joldasov «Qazaqstannyń 100 jańa esimi» jobasynda jeńimpaz ataný qoǵam aldynda úlken jaýapkershilikti júkteıtinin aıtty, dep habarlaıdy QazAqparat tilshisi.

Uqsas jańalyqtar
Ózimizdiń Greta Týnbergti tapqymyz keledi - «Qazaqstannyń 100 jańa esim» jobasy jas daryndylardy izdeıdi «100 jańa esim» jobasynyń jańa talaptary qandaı

«Bul joba biregeı ári qyzyqty dep sanaımyn. Jeńimpaz atanǵannan keıin meniń ómirimde eleýli ózgerister boldy. Meniń oıymsha, bul qyzyqty joba aıasynda kóptegen daryndy adamdardy tabýǵa múmkindik bar. Negizgi, joba aıasynda qoǵam aldyndaǵy ózińniń jaýapkershiligińdi sezinesiń. Sonymen qatar, óziniń qoǵamǵa qanshalyqty qomaqty paıda keltire alatynyńdy basqa da jas ustazdarǵa kórsete alasyń», - dedi A. Joldasov.

Osy oraıda ol Jastar jyly kezinde muǵalimderge erekshe nazar aýdarylyp otyrǵanyn, bul turǵyda pedagogtarǵa qatysty eleýli ózgerister jasalyp jatqanyn atap ótti.

«Jobada jeńimpaz ataný - biz úshin úlken mártebe ári jaýapkershilik», - dedi ol.

Onyń sózine qaraǵanda, «100 jańa esim» jobasynda iriktelgen azamattarmen tájirıbe almasý nátıjesinde birlesken jobalardy iske asyrý múmkindigi bar.

«Jeke ózime qatysty aıtatyn bolsam, kóptegen ózgerister boldy. Birinshi kezekte, Qazaqstan ustazdarynyń qoǵamdastyǵy úshin úlken jaýapkershilikti sezinip otyrmyn. Ózderińiz bilesizder, Qazaqstandaǵy muǵalimder arasynda názik jandardyń úlesi basym. Osy oraıda mektepte er azamattar da kóbirek bolǵany durys. Jalpy, bilim salasyna ońtaıly ózgerister engizýge nıetti jastar sanynyń arta túsýine yqpal ete alatynymyzǵa úmittimin», - dedi,

Aıta keteıik, «Qoǵam» baǵytynda matematık, baǵdarlamashy jáne oqytýshy Asan Joldasov 15 757 daýyspen jeńimpaz atandy. Asan Joldasov oqýshy kezinen-aq matematıkadan respýblıkalyq, halyqaralyq olımpıadalarǵa qatysqan jáne 19 jasynda óz mektebin ashqan. Oqytýdyń arnaıy ádistemesin jasap, «Pıfagor» mektebin úlken kompanııaǵa aınaldyrǵan. Osylaısha, 10 jylda 10 myńnan astam balanyń matematıkaǵa qyzyǵýshylyǵyn oıatqan.

Budan buryn habarlanǵandaı, 2019 jyldyń 1 qazanynan bastap 100janaesim.ruh.kz saıtynda «Qazaqstannyń 2019 jylǵy 100 jańa esimi: jas qazaqstandyqtardyń tabys tarıhy» jobasyna ótinimder qabyldaý bastalady.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT