+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Arzan páter ýáde etken áıel oraldyqtardy 54 mln teńgege aldady

2019 jylǵy 23 tamyz 14:40
Bólisińiz:
Arzan páter ýáde etken áıel oraldyqtardy 54 mln teńgege aldady

ORAL. QazAqparat – Oralda arzan páter alyp berýge ýáde etken áıel turǵyndardyń 54 mln teńgesin ıelengen, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen túsken málimetke qaraǵanda, 36 jastaǵy áıelge qatysty QR QK 190-baby 3-bóligine qatysty tergeý amaldary júrgizilýde.

Ol turǵyndardy kepildikte turǵan arzan páterlerdi alyp beremin dep aldaǵan. Bir-eki bólmeli páterdi 2-5 mln teńgege baǵalasa, eki-úsh bólmeli páterler úshin 5-7 mln teńge suraǵan. Bul – naryqtaǵydan eki-úsh esege arzan.

Turǵyn úıdiń kiltin almastan, aqshany qolyna ustatyp, áıeldiń arbaýyna túsken adamdardyń biri týysqanyna aıtyp, ekinshisi dos-jarandaryna jetkizip, «arzan» páter alýǵa shaqyrǵan.

Osylaısha, baspanaly bolýdy armandap, san soǵyp qalǵandardyń sany jıyrmaǵa jetip jyǵylady. Aryzdar áli de túsip jatyr. Aldanǵandardyń qatarynda zeınetkerler, kásipkerler, muǵalimder, memlekettik qyzmetshiler bar. Olar eń azy 500 myń teńgesinen, eń kóp bergeni 7,2 mln teńgesinen aıyrylyp qalǵan. Alaıaq áıel olarmen baılanysqa shyǵyp, páterlerdiń kepildikte turǵanyn, qujat toltyrýda qıyndyqtar týyndap otyrǵanyn aıtyp, túbi úıli bolatyndaryna sendirip kelgen. Tipti keıbiri páterdi jyldap kútken.

Qazirgi kezde tergeý ızolıatorynda otyrǵan áıel budan buryn da alaıaqtyǵy úshin 3 jylǵa bas bostandyǵynan aıyrylǵan. Ol jábirlenýshilerdiń 54 mln 450 myń teńgege jýyq aqshasyn qoldy etken.


Bizdiń kanalymyzǵa jazylyńyz:

Bólisińiz:

Aýdarma:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT