+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Arystaǵy oqıǵadan 165 adam medıtsınalyq kómekke júgindi - mınıstr Birtanov

2019 jylǵy 25 maýsym 09:19
Bólisińiz:
Arystaǵy oqıǵadan 165 adam medıtsınalyq kómekke júgindi - mınıstr Birtanov

NUR-SULTAN. QazAqparat - Arystaǵy jarylys saldarynan 165 adam medıtsınalyq kómekke júgingen. Bul týraly Úkimet otyrysynda Densaýlyq saqtaý mınıstri Eljan Birtanov málim etti, dep habarlaıdy QazAqparat tilshisi.

«Qazirgi ýaqyttaǵy jaǵdaı boıynsha, barlyǵy 165 adam medıtsınalyq kómekke júgingen. 76 adamǵa ambýlatorııalyq kómek kórsetildi. 19 patsıent statsıonarlyq emge jatqyzyldy. Jansaqtaý bólimderinde15 naýqas bar. Patsıentterdiń negizgi bóligi Shymkent qalasyndaǵy oblystyq klınıkalyq, oblystyq balalar aýrýhanasynda jáne qalalyq aýrýhanalarǵa jatqyzyldy. Keıbir patsıentter Túrkistan oblysynyń aýdandyq aýrýhanalarynda emdelýde. Medıtsınalyq kómek kórsetý úshin jalpy 22 jedel medıtsınalyq brıgada jumyldyryldy. Olardyń ishinde tórt brıgada Jambyl oblysynan jiberildi. Qazirgi ýaqytta qosymsha 52 brıgada daıyndyqta otyr. Eki tikushaq daıyn. Jalpy, Almaty qalasynan kómek kórsetý úshin eki mortedıstsıplınarlyq komanda jiberildi. Olardyń arasynda reanematolgtar, travmatologtar, neırohırýrgtar bar. Qazirgi ýaqytta jansaqtaý bóliminde eki bala jatyr. Barlyq naýqastar Densaýlyq saqtaý mınıstrliginiń baqylaýynda», - dedi Eljan Birtanov.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT