+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Arys qalasy qalpyna kelip, jańara tústi

2019 jylǵy 4 qazan 23:50
Bólisińiz:
Arys qalasy qalpyna kelip, jańara tústi

ARYS. QazAqparat – Arys qalasy jumyla júrgizilgen júıeli de nátıjeli jumystardyń arqasynda qalpyna kelip, jańara tústi. Nebári úsh aı ýaqyt ishinde elimizdiń ár oblysynan kelip, jóndeý jumystaryna atsalysqan sektorlardyń qurylysshylary úılerine qaıtyp jatyr, dep habarlaıdy QazAqparat tilshisi.

Uqsas jańalyqtar
Arys mańynda jarylys bolyp, áskerı qyzmetshi qaza tapty Arys qalasyn qalpyna keltirýge 4 myńǵa jýyq jumysshy jumyldyryldy Arystaǵy jarylystan zardap shekken 2 saper aýrýhanadan shyqty

Búginde arystyqtardyń baspanasyn qalpyna keltirý jumystary áli de jalǵasyp jatyr. Jóndeý jumystaryn júrgizý úshin qalany 17 sektorǵa bólip alǵan ózge oblystar ózderine tıesili aýmaqtaǵy turǵyn úıler qurylysymen tolyqqandy aınalysty.

Jarylystan 8 myńnan astam turǵyn úıdiń 7634-i zaqymdanǵan bolsa, zertteý-zerdeleý jumystary júrgizilgennen keıin turýǵa jaramsyz 474 úı qaıta basynan salynýda. Qazirgi tańda 100 –den astam úıdiń qurylysy jalǵasýda.

Qaladaǵy ınfraqurylymdy retteý barysynda Arys qalasynyń káriz júıeleri tolyq jóndeýden ótip, avtomattandyryldy. Zaqym kelgen Arys kósheleri de jańardy. 16 kósheniń aıaqjol salý jumystary aıaqtalyp, jaryqtandyrý boıynsha jumystar júrgizilip jatyr. Qaıyrymdylyq qordyń qarajatyna salynǵan úıleri tolyǵymen qıratylǵan 100 otbasyǵa arnalǵan 50 eki páterli kottedjden turatyn jańa shaǵyn aýdannyńúıleri aıaqtalý satysynda tur.

Búginde ishki árleý jumystary jáne úı jabdyqtaryn ornatý jumystary júrgizilip jatyr. Jalpy Arys qalasyndaǵy qurylys alańdarynda bas aıaǵy 134 qurylys kompanııasy jumys istep, 3,8 myńnan astam jumysshy jáne 200 –den astam arnaıy tehnıka tartyldy.

Arysta 68 áleýmettik nysan ornalasqan (bilim berý, densaýlyq saqtaý jáne sport mekemeleri), olardyń 64-i – kúrdeli jóndeýdi jáne 4-eýi tolyqtaı qalpyna keltirýdi talap etti.

Apattan aıtarlyqtaı zaqym kelgen «Arys-1» temirjol vokzalynyń ǵımaraty tolyq jóndeýden ótip, aldyna gúlzar men saıabaq salyndy. Jarylystan zardap shekken 16 orta mektep tolyǵymen qalpyna keltirildi. Kúrdeli jóndeýden ótken bilim uıalarynda akt zaly men sport alańdary jańaryp, robot qurastyrý kabınetteri ashyldy. Atalǵan mektepter zamanaýı qural-jabdyqtarmen, pán kabınetterimen jáne ınteraktıvti taqtamen, oqýshylardy eńbekke baýlıtyn arnaıy bólmelermen jaraqtandyryldy.

Bizdiń kanalymyzǵa jazylyńyz:

Basty sózder: Túrkistan oblysy, Qurylys, Arys,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT