Arýjan Jazylbekova AQSh-ta «Eń úzdik aktrısa» atandy

NUR-SULTAN.QazAqparat – Qazaqstandyq aktrısa Arýjan Jazylbekova AQSh-ta «Eń úzdik áıel róli» syılyǵyn jeńip aldy, dep habarlaıdy QazAqparat.

Uqsas jańalyqtar

Búgin kıno salasyndaǵy «Altyn globýs» syılyǵy tapsyrylady

Qazaqstandyq fılm Grekııada ótken kınofestıvalde júldeli boldy «Ámire» fılmi Fınlıandııa astanasynda kórsetildi Norvegııada qazaqstandyq kınotýyndylar kórsetildi

Sınhýa agenttiginiń habarlaýynsha, Qazaqstan men Qytaı birlesip túsirgen «Kompozıtor» fılmi Los-Anjeles(AQSh) qalasynda ótken 4-shi kezekti «Golden screen awards» marapattaý sharasynda jyldyń «Eń úzdik kınosy», «Eń úzdik mýzyka», «Eń úzdik er adam róli» jáne «Eń úzdik áıel róli» syndy 4 nomınatsııa boıynsha marapattaldy.

Aıta keterligi, «Golden screen awards» sharasy China Film Co Production korporatsııasy, Hollywood Reporter jáne Amerıka kıno qaýymdastyǵynyń qoldaýymen 2016 jyldan beri ótkizilip keledi. Sharanyń basty maqsaty - qytaılyq jáne sheteldik kıno stýdııanyń birigip túsirgen úzdik kınolaryn marapattaý.

Eske salaıyq, «Kompozıtor» fılminiń tusaý keseri aǵymdaǵy jyldyń 17 mamyr kúni elordada ótken bolatyn. Atalǵan fılm álemdik ónerge eleýli úles qosqan Qytaıdyń tanymal kompozıtory Sı Sınhaıdyń ómiri men óner jolyna arnalǵan. Ekinshi dúnıejúzilik soǵys jyldarynda (1941-1943 jyldar aralyǵynda) kompozıtor Qazaqstanda turyp, qazaqtyń talantty kompozıtory Baqytjan Baıqadamovpen dos bolǵan. Kartına eki el arasyndaǵy yntymaqtastyq pen kompozıtorlardyń dostyǵy týraly syr shertedi.

Fılmdi Sh.Aımanov atyndaǵy «Qazaqfılm» kınostýdııasy jáne qytaılyq «Shineworks Pictures», «China film coproduction corporation» kompanııalary birge túsirgen.