+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Arýjan Saın jetim balalardy QR Qarjylyq monıtorıng agenttigimen birlesip qorǵamaq

2021 jylǵy 11 mamyr 22:59
Bólisińiz:
Arýjan Saın jetim balalardy QR Qarjylyq monıtorıng agenttigimen birlesip qorǵamaq

NUR-SULTAN. QazAqparat – Batys Qazaqstan oblysynda balalar úıiniń qyzmetkerlerine jalaqy artyq tólenip kelgen. Al Aqmola oblysynda jetim balalardy tamaqtandyrýǵa bólingen qarajat urlanǵan. Bul týraly QR Qarjylyq monıtorıng agenttiginen málim etti, dep habarlaıdy QazAqparat.

QR Prezıdenti Qasym-Jomart Toqaev balalar quqyǵyn qorǵaýǵa basymdyq berip, jetim balalar men ata-ana qamqorlyǵynan aıyrylǵan balalardyń barlyq quqyǵyn qamtamasyz etý boıynsha memlekettik mindetter múltiksiz oryndalýy kerektigin eskertken bolatyn.

Osy oraıda, Memleket basshysynyń tapsyrmalaryn oryndaý maqsatynda QR Qarjylyq monıtorıng agenttigi Qazaqstan Respýblıkasyndaǵy Bala quqyqtary jónindegi ýákil Arýjan Saınmen birlese otyryp, ózara is-qımyl týraly memorandýmǵa qol qoıdy jáne «Qamqor» áleýmettik jobasyna bastaý berdi.

Málim etilgendeı, joba quqyq buzýshylyqtardy anyqtap qana qoımaı, aldyn alý sharalaryn qabyldaý úshin balalar quqyǵyn qorǵaý júıesindegi «osal tustardy» anyqtaýǵa baǵyttalǵan.

«Mysaly, Batys Qazaqstan oblysynda balalar úıiniń qyzmetkerlerine jalaqyny artyq tóleý jáne ıemdenip alý faktisi tergelýde.

Pavlodar oblysynda 5 mln teńgeden astam somaǵa bıýdjet qarajatyn jymqyrý belgileri anyqtaldy. Olar balalar aýylynyń aýmaǵyn abattandyrý jumystaryna baǵyttalýy tıis edi.

Aqmola oblysynda jetim balalardy tamaqtandyrýǵa arnalǵan aqsha qarajatyn urlaý faktisi oryn aldy.

Búginde táýekeli bar 15 mekeme anyqtaldy jáne 7 qylmystyq is tirkeldi.

Aldyn alý sharalary jalǵasýda», - dep tolyqtyrdy QR QMA Baspasóz qyzmetinen.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT