Arýjan Saın Bas prokýrordan barlyq balalar úıin tekserýdi surady

NUR-SULTAN. QazAqparat – QR Bala quqyqtary jónindegi ýákil Arýjan Saın Rýdnyıdaǵy balalar úıinde bolǵan jaǵdaıǵa qatysty QR Bas prokýratýrasyna joldaǵan saýalyna jaýap almaǵan, dep habarlaıdy QazAqparat tilshisi.

Uqsas jańalyqtar

Tarazda 3 jasar búldirshinge qatygezdik tanytqan balalar úıiniń tárbıeshisi jazalandy

Tarazdaǵy balalar úıiniń jetkinshekteri «Real Madrıd» klýbymen kezdesýge attandy Memqyzmetshiler Arystaǵy balalar úıiniń tárbıelenýshilerimen kezdesti

«Rýdnyıdaǵy balalar úıinde bolǵan jaǵdaı ata-ananyń qamqorlyǵynsyz qalǵan balalarǵa arnalǵan mekemelerdi únemi qadaǵalap otyrý qajettigin taǵy bir ret kórsetip berdi. Qadaǵalaý tek memlekettik organdar tarapynan ǵana emes, qoǵamdyq uıymdar tarapynan da júrýi tıis. Buǵan deıin de prokýrorlyq tekserýler men UNISEF, Human Rights Watch sııaqty halyqaralyq uıymdardyń zertteýleri kezinde balalardyń quqyqtaryn taptaý faktileri anyqtalǵany týraly talaı jazǵanmyn. Qazaqstan atalmysh balalardy ornalastyrýdyń otbasylyq normalaryn damytý jáne memlekettik mekemeler júıesin ınstıtýtsyzdandyrý jónindegi usynymdardy oryndaýǵa tıis. Osyǵan baılanysty, 25 shildede Bala quqyqtary jónindegi ýákil retinde QR Bas prokýratýrasyna hat joldaǵanmyn. Áli jaýap alǵan joqpyz», dep jazdy Arýjan Saın Facebook-tegi paraqshasynda.

Óz jazbasynda resmı ýákil quzyrly organǵa joldanǵan saýaldyń mátini men kóshirmesin usynǵan. Ol hatynda QR Bas prokýrorynan barlyq ınternat úlgisindegi balalar mekemesine tekserý júrgýizýdi suraǵan.