Artyq tólengen ýtıl alymdy qaıtarýǵa ótinim qabyldaý bastaldy
2022 jylǵy 26 mamyr 11:36

Artyq tólengen ýtıl alymdy qaıtarýǵa ótinim qabyldaý bastaldy

NUR-SULTAN. QazAqparat – «Jasyl damý» osy ýaqytqa deıin artyq tólengen ýtıl alymdy qaıtarýǵa ótinim qabyldaýdy bastady. Buǵan deıin atalǵan kompanııanyń resmı saıtynda tehnıkalyq jumystyń júrgizilýine baılanysty ótinim berý múmkin bolmaǵan edi, dep habarlaıdy QazAqparat tilshisi.

«Jasyl damý» AQ recycle.kz resmı saıtynda tehnıkalyq jumystardyń aıaqtalǵanyn habarlaıdy. Kádege jaratý tólemin qalyptastyrý úshin jeke kabınet jumys isteıdi», - delingen kompanııanyń resmı taratqan aqparatynda.

«Jasyl damý» AQ recycle.kz resmı saıtyndaǵy jeke kabınetke kirý 25 mamyrdan bastap shtattyq rejımde jumys istep tur.

Endi 2022 jyldyń 14 mamyrynan keıin ýtılızatsııalyq alymdy eski mólsherleme boıynsha tólegen jeke jáne zańdy tulǵalar artyq tólengen somasyn qaıtaryp ala alady.

Ol úshin «E-otinish» elektrondyq platformasynda elektrondy tsıfrlyq qoltańba arqyly ótinish berýi qajet.

Ótinishte tólem tapsyrmasyn qosa bere otyryp, qaıtarýdy júzege asyrý úshin ótinimniń nómirin, shottyń derektemelerin kórsetýi kerek.

Aıta keteıik, 3 mamyrda «Ádilet» normatıvtik quqyqtyq aktileriniń aqparattyq-quqyqtyq júıesinde ýtıl alymnyń jańa mólsherlemesi jarııalanǵan edi.


Jańalyqtar

MURAǴAT