Artsport baǵdarlamasy jabylady deýge esh negiz joq – Dáýren Abaev
2022 jylǵy 22 maýsym 14:34

Artsport baǵdarlamasy jabylady deýge esh negiz joq – Dáýren Abaev

NUR-SULTAN. QazAqparat – Artsport baǵdarlamasy jabylady deýge eshqandaı negiz joq. Bul týraly QR Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Biz eshqashan jaýapkershilikten qashpaımyz. Baǵdarlama jabylady deýge de esh negiz joq. Osy ýaqytqa deıin maquldanǵan vaýcherler tólenetinin atap ótkim keledi. Ár aımaq oǵan qajetti qarjyny qarastyryp jatyr. Mysaly, Almaty qalasynyń ákimdigi osy maqsatqa 4 mlrd teńgeden astam qarajat bóldi», - dedi Dáýren Abaev Ortalyq kommýnıkatsııalar qyzmetindegi baspasóz máslıhatynda.

Degenmen mınıstr qoǵamnyń júıe jumysyndaǵy olqylyqtarǵa narazylyǵy negizsiz dep aıta almaıtynyn basa aıtty.

«Biz málimetterdi tekserý, kezekti avtomattandyrý, qarjyny bólý men qyzmet usynýshylardyń esebin qadaǵalaýǵa baılanysty birqatar kemshiliktiń ketkenin moıyndaýymyz kerek. Osy máselelerdi sheshý úshin basqa da múddeli memlekettik organdar erejege birneshe ózgeris engizip otyr. Bul protsess eki kezeńnen turady. Alǵashqy kezeń bıyl mamyrda júzege asyryldy. Jańa normalarǵa sáıkes, oqytýshylar men jattyqtyrýshylardyń sanatyna qoıylatyn talap kúsheıtildi, ákimshilikterdiń ótinishterdi qaraý merzimi uzartyldy, sapany baqylaýǵa jáne qarjynyń maqsatty ıgerilýine elektrondy jáne jalpyǵa qoljetimdi formatta monıtorıng júrgizý júıesi engizildi. Endi biz ekinshi kezeńde júıege taǵy birneshe ózgeris engizemiz», - dedi ol.


Seriktester jańalyqtary

Jańalyqtar

Úrdis

MURAǴAT