Artsport baǵdarlamasy aıasynda balalar bir ǵana úıirmege qatysa alady
2022 jylǵy 22 maýsym 14:46

Artsport baǵdarlamasy aıasynda balalar bir ǵana úıirmege qatysa alady

NUR-SULTAN. QazAqparat – Sport sektsııalary men shyǵarmashylyq úıirmeleriniń baǵasy qaıta qarastyrylady. Bul týraly QR Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Birinshi – sport sektsııalary men shyǵarmashylyq úıirmeleriniń baǵasyn qaıta qarastyramyz. Bul qadam baǵdarlamanyń aýqymyn keńeıtedi. Ekinshi – memlekettik sporttyq, shyǵarmashylyq jáne qosymsha bilim alý tapsyrystarynyń aıasynda sport sektsııalary men shyǵarmashylyq úıirmelerine bir ǵana ótinish berý qaǵıdasyn engizý», - dedi Dáýren Abaev Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, qazir bir bala mekteptegi sektsııaǵa, «artsport» boıynsha sektsııaǵa jáne shyǵarmashylyq úıirmege barýy múmkin.

«Kópshilikti qamtý maqsatynda biz tek bir sektsııany ǵana usynamyz», - dedi mınıstr.


Seriktester jańalyqtary

Jańalyqtar

Úrdis

MURAǴAT