Ártistik júzýden Qazaqstan quramasy álem kýboginde 4 medal aldy
2022 jylǵy 23 mamyr 16:05

Ártistik júzýden Qazaqstan quramasy álem kýboginde 4 medal aldy

AFINY. QazAqparat - Ártistik júzýden Qazaqstan quramasy Grekııada álem kýboginiń sýperfınalynda 4 medal jeńip aldy, dep habarlaıdy QazAqparat.

QR Ulttyq olımpıada komıtetiniń málimetine sáıkes, Afınyda ótken ekikúndik baıraqty básekede Qazaqstan quramasy jalpy sany 1 kúmis jáne 4 qola medal aldy.

Qazaqstan áıelder quramasy erkin jattyǵýda 81,5333 ball jınap, kúmis júldege ıe boldy.

Al áıelder arasynda tehnıkalyq baǵdarlama men aralas komandalardyń erkin kombınatsııa saıysynda qos qola buıyrdy.

Erler arasynda jekeleı synda qazaqstandyq Edýard Kım 74.8478 balmen sýperfınaldyń qola júldesine qol jetkizdi.

Juptyq tehnıkalyq synda Edýard Kım men Jaklın ıAkımova óneri 78.2740 balǵa baǵalanyp, olar el qorjynyna tórtinshi qola júldeni ákeldi.

Aıta keterligi, ártistik júzýden álem kýboginiń sýperfınalyna 23 elden 137 sportshy qatysty.


Uqsas jańalyqtar

Jańalyqtar

MURAǴAT