قازاقستاندا سپورت تورەشىلەرىنىڭ جالاقىسى قانشالىقتى ءوستى؟
1 شىلدە 22:57

قازاقستاندا سپورت تورەشىلەرىنىڭ جالاقىسى قانشالىقتى ءوستى؟

تۇركىستان. قازاقپارات - بۇگىن مادەنيەت جانە سپورت ءمينيسترى داۋرەن ابايەۆ تۇركىستان وبلىسىنىڭ تۇرعىندارىمەن كەزدەستى.

جيىنعا قاتىسۋشىلار وڭىردەگى مادەنيەت نىساندارىن قايتا قۇرۋ، تۋريزم مەن بۇقارالىق سپورتتى دامىتۋعا قاتىستى سۇراقتار قويدى، دەپ حابارلايدى قازاقپارات.

«ءبىزدىڭ بۇگىنگى كەزدەسۋىمىز-دەموكراتيالاندىرۋدىڭ، بۇكىل مەملەكەتتىك بيلىكتىڭ ترانسپارەنتتىلىگىن ارتتىرۋدىڭ جانە اتقارۋشى ورگانداردىڭ جاۋاپكەرشىلىگىنىڭ تاعى ءبىر دالەلى. مەملەكەت باسشىسى قاسىم-جومارت توقايەۆتىڭ تاپسىرماسى بويىنشا حالىقپەن تۇراقتى كەزدەسۋلەر «جاڭا قازاقستان» جاقسى بەلگىسى بولۋى ءتيىس دەپ سانايمىن»، - دەدى مينيستر.

كەزدەسۋ بارىسىندا داۋرەن ابايەۆ سوڭعى 3 جىلدا تۇركىستان وبلىسىنىڭ تۋريزم سالاسىنا ينۆەستيتسيا كولەمى 255,8 ميلليارد تەڭگەگە جەتكەنىن اتاپ ءوتتى.

«قىسقا مەرزىم ىشىندە وبلىستا 40 تان استام جاڭا قوناق ءۇي مەن 30 عا جۋىق مادەني نىسان ىسكە قوسىلىپ تۋريستەرگە قىزمەت كورسەتىپ وتىر. ولاردىڭ بىرەگەيى - «كەرۋەن ساراي» كوپفۋنكتسيونالدى تۋريستىك كەشەنى. بۇل وبەكت ءوڭىردىڭ ەكونوميكاسىن دامىتۋعا ەلەۋلى ۇلەس قوسۋدا. جاڭا 600 جۇمىس ورىنىمەن قامتاماسىز ەتىپ، 208 ميلليون ا ق ش دوللارى كولەمىندە ينۆەستيتسيا تارتىپ وتىر. بۇگىنگى تاڭدا وبلىس اۋماعىندا جالپى سوماسى 86,9 ميلليارد تەڭگەنى قۇرايتىن 35 تۋريستىك ينۆەستيتسيالىق جوبا جۇزەگە اسىپ جاتىر»، - دەدى مينيستر.

سونداي-اق، مينيسترلىك باسشىسى تۇركىستان وبلىسىندا 685 مادەنيەت مەكەمەسى جۇمىس ىستەيتىنىن حابارلادى.

وسى جىلى وڭىردە 3 نىساننىڭ قۇرىلىسى جانە 14 مادەنيەت نىسانىنىڭ جوندەۋ جۇمىستارى، سونداي-اق مەملەكەتتىك تىلدە زاعيپ جانە ناشار كورەتىن ازاماتتار ءۇشىن كىتاپحانا قورىن ۇلعايتۋ جوسپارلانعان.

كەزدەسۋدە داۋرەن ابايەۆ باسىم مىندەتتەردىڭ ءبىرى - بۇقارالىق سپورتتى دامىتۋ ەكەنىن اتاپ ءوتتى.

وسى ماقساتتا تۇركىستان وبلىسىندا 5 جاڭا نىسان سالۋ جانە 1 سپورت نىسانىن قايتا جاڭارتۋ كوزدەلگەن. سونىمەن قاتار، مينيسترلىك جۇمىسىنىڭ ماڭىزدى باعىتى - سپورت تورەشىلەرىنىڭ ەڭبەكاقىسىن ارتتىرۋ.

«ءبىز سپورت تورەشىلەرىنىڭ ەڭبەكاقىسىن كوتەرۋگە باستاماشى بولدىق. ۇلكەن جۇمىس اتقارىلدى. بۇل كوپتەگەن سۋديالار ءۇشىن قوسىمشا موتيۆاتسيا بولادى جانە ماماندىقتىڭ بەدەلىن ارتتىرۋعا، جاڭا مامانداردىڭ كەلۋىنە ىقپال ەتەدى. سايىپ كەلگەندە، بارلىعى: سپورتشىلار، جانكۇيەرلەر جانە جالپى سالا جەڭەتىنىنە سەنىمدىمىن. جارىستار دا ساپالى جاڭا دەڭگەيگە شىعۋى كەرەك ەكەنى انىق. وسىلايشا، 2024 -جىلعا قاراي سپورت تورەشىلەرىنىڭ جۇمىسىنا اقى تولەۋ ب ل ە- دان %100 دەيىن ۇلعايادى. بۇل ماسەلە ۇزاق ۋاقىت بويى شەشىلمەي كەلدى»، - دەدى مينيستر داۋرەن ابايەۆ.

سونىمەن، حالىقارالىق ساناتتاعى ۇلتتىق سۋديالاردىڭ بازالىق لاۋازىمدىق ەڭبەكاقىسى 2654,6 تەڭگەدەن 17697 تەڭگەگە دەيىن، جوعارى ساناتتاعى ۇلتتىق سۋديالاردىڭ ەڭبەكاقىسى 2123,6 تەڭگەدەن 15927 تەڭگەگە دەيىن، جوعارى ساناتتاعى ۇلتتىق سۋديالاردىڭ ەڭبەكاقىسى 2123,6 تەڭگەدەن 15927 تەڭگەگە دەيىن، سپورت بويىنشا ۇلتتىق سۋديالاردىڭ ەڭبەكاقىسى 1769,7 تەڭگەدەن 14158 تەڭگەگە دەيىن، 1 كاتەگوريالى سۋديالاردىڭ ەڭبەكاقىسى 1415,8 تەڭگەدەن 12388 تەڭگەگە دەيىن، سپورت تورەشىلەرىنىڭ ەڭبەكاقىسى - 1238,8 تەڭگەدەن 10618 تەڭگەگە دەيىن ۇلعايادى.

بۇل - تورەشىلەرگە جارىستىڭ ءبىرىنشى كۇنىندە تورەلىك ەتكەنى ءۇشىن تولەنەتىن تولەم.

ەگەر جارىس بىرنەشە كۇنگە سوزىلسا، بۇل تولەم جارىس كۇندەرىنىڭ سانىنا كوبەيتىلەدى.

ايتا كەتۋ كەرەك، بۇل ەڭبەكاقى ەمەس. كەزدەسۋ بارىسىندا مينيستر بارلىق قويىلعان سۇراقتارعا جاۋاپ بەردى، سونداي-اق ب ا ق ءۇشىن بريفينگ جانە ازاماتتاردى جەكە قابىلداۋ وتكىزدى.

سونداي-اق داۋرەن ابايەۆ وبلىستىڭ ءبىرقاتار مادەني-تاريحي، سپورتتىق جانە تۋريستىك نىساندارىن ارالادى.

جاڭالىقتار