كامەلەتكە تولماعان بالا ءبىر جاسار قىزدى اتىپ ءولتىردى
29 ماۋسىم 17:41

كامەلەتكە تولماعان بالا ءبىر جاسار قىزدى اتىپ ءولتىردى

ۆاشينگتون. قازاقپارات - فلوريدا شتاتىندا كامەلەتكە تولماعان بالا ءبىر جاسار قىزدى اتىپ ءولتىرىپ، ونىڭ ەكى جاسار اپكەسىن جارالاعان.

وسى وقيعادان سوڭ، قارۋ قولدانعان بالانىڭ اكەسى قاماۋعا الىندى، دەپ حابارلايدى قازاقپارات ABC News باسىلىمىنا سىلتەمە جاساپ.

پوليتسيانىڭ مالىمەتىنشە، سەنبى كۇنى كەشكە بالانىڭ اكەسى 45 جاستاعى رودەريك دۋەين رەندالل پەنساكولا قالاسىنداعى قوناقۇيدەن شىعىپ، قارۋىن شكافتا قالدىرىپ كەتكەن. ونىڭ 8 جاستاعى ۇلى قارۋ تۇرعان جەردى بىلگەن.

بالا قارۋدى الىپ، ويىن بارىسىندا ءبىر جاسار قىزدى اتقان، وق قىزدىڭ دەنەسىنەن ءوتىپ، ونىڭ ەكى جاسار اپكەسىن جارالاعان.

بولمەدەگى ءتورتىنشى بالا زارداپ شەككەن جوق. قازا تاپقان قىز بەن ونىڭ جارالانعان اپكەسى اتىس بولعان ساتتە قوناق ءۇيدىڭ سول بولمەسىندە ۇيىقتاپ جاتقان جانە ولار رەنداللدىڭ تانىس ايەلىنىڭ قىزدارى بولعان.

تەرگەۋشىلەردىڭ ايتۋىنشا، قايتىپ ورالعان رەندالل، پوليتسيا قىزمەتكەرلەرى كەلگەنشە بولمەدەن تاپانشا مەن ەسىرتكىنى الىپ، قىلمىستى جاسىرماق بولعان. بالانىڭ اكەسى ايعاقتاردى بۇرمالادى، سالعىرتتىق تانىتتى جانە اتىس قارۋىن ساقتاۋ ەرەجەسىن بۇزدى دەگەن ايىپپەن قاماۋعا الىندى.

رەندالل بۇعان دەيىن 14 اۋىر قىلمىس جاساعانى ءۇشىن سوتتالعان بولاتىن. قازىرگى ۋاقىتتا ەسكامبيا وكرۋگىنىڭ تۇرمەسىنە قامالدى.


جاڭالىقتار