الماتىدا جاڭا تۋعان نارەستەلەردى ينتەرنەت-سايت ارقىلى ساۋدالاعان
28 ماۋسىم 15:26

الماتىدا جاڭا تۋعان نارەستەلەردى ينتەرنەت-سايت ارقىلى ساۋدالاعان

نۇر-سۇلتان. قازاقپارات - پروكۋراتۋرا بالالاردى ساتۋ تۋرالى حابارلاندىرۋلار ورنالاستىرىلعان شەتەلدىك ينتەرنەت سايتىن انىقتادى، دەپ حابارلايدى قازاقپارات الماتى قالاسىنىڭ پروكۋراتۋراسىنا سىلتەمە جاساپ.

ونداعى مالىمەتتەرگە قاراعاندا، جاڭا تۋعان بالالارىنان باس تارتقىسى كەلەتىن جاس ايەلدەر ولاردى زاڭمەن بەلگىلەنگەن ءتارتىپتى بۇزا وتىرىپ، ۋاكىلەتتى ورگاندار مەن سوتتىڭ ءتيىستى شەشىمىنسىز «ساتىپ الۋدى» ۇسىنادى.

سونىمەن قاتار سايتتا بالالاردى وسىلاي اسىراپ العىسى كەلەتىن ادامداردىڭ جاپپاي حابارلاندىرۋلارى بار ەكەنى انىقتالدى.

ق ر «نەكە (ەرلى-زايىپتىلىق) جانە وتباسى تۋرالى» كودەكسىنىڭ 196-بابىنا سايكەس تاۋىپ الىنعان، تاستاندى (باس تارتىلعان) بالانىڭ تۋۋى ىشكى ىستەر ورگاندارىنىڭ، قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگاننىڭ، ءبىلىم بەرۋ ۇيىمدارى اكىمشىلىگىنىڭ نەمەسە بالا ورنالاستىرىلعان مەديتسينالىق ۇيىمنىڭ ءوتىنىشى بويىنشا تاۋىپ الىنعان، باس تارتىلعان نەمەسە قالدىرىلعان كۇننەن باستاپ جەتى تاۋلىكتەن كەشىكتىرىلمەي تىركەلۋگە ءتيىس.

«بۇقارالىق اقپارات قۇرالدارى تۋرالى» زاڭنىڭ 2-بابىنىڭ 4-تارماعىنا سايكەس قىلمىستىق جانە اكىمشىلىك قۇقىق بۇزۋشىلىقتار جاساۋ ماقساتىندا بۇقارالىق اقپارات قۇرالدارىن پايدالانۋعا تىيىم سالىنادى.

وسىعان بايلانىستى الاتاۋ اۋدانىنىڭ پروكۋرورى سوتقا سايتتى زاڭسىز دەپ تانۋ جانە ونىڭ قازاقستان اۋماعىنداعى قىزمەتىن توقتاتۋ تۋرالى وتىنىشپەن جۇگىندى.

سوت قاداعالاۋ ورگانىنىڭ ءوتىنىشىن قاناعاتتاندىردى. ماتەريالدار ق ر ق ك- ءنىڭ 128-بابىندا كوزدەلگەن قىلمىستى جاساۋ، ياعني ادام ساۋداسى مانىنە تەكسەرۋ جۇرگىزۋ ءۇشىن قۇقىق قورعاۋ ورگاندارىنا جىبەرىلدى.

«اتالعان قىلمىستىق قۇقىق بۇزۋشىلىق ءۇشىن مۇلكى تاركىلەنىپ، 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن»، - دەلىنگەن حابارلامادا.

جاڭالىقتار