اقمولا وبلىسىندا كىرپىش زاۋىتى ىسكە قوسىلادى
27 ماۋسىم 21:42

اقمولا وبلىسىندا كىرپىش زاۋىتى ىسكە قوسىلادى

بۋراباي. قازاقپارات - اقمولا وبلىسىندا بيىل كىرپىش زاۋىتى مەن گيدرومەتاللۋرگيالىق كەشەن ىسكە قوسىلادى.

بۇل تۋرالى بۋرابايدا وتكەن ورتالىق كوممۋنيكاتسيالار قىزمەتىنىڭ كوشپەلى باسپا ءسوز ءماسليحاتىندا ايماق باسشىسى ەرمەك مارجىقپايەۆ ءمالىم ەتتى، دەپ حابارلايدى قازاقپارات ءتىلشىسى.

«ونەركاسىپ سەكتورى ءوڭىر ەكونوميكاسىندا باسىم سالا بولىپ قالۋدا. رەسپۋبليكا بويىنشا وبلىستىڭ ۇلەسى زور. وسى رەتتە، اقمولا وبلىسى پودشيپنيكتەردىڭ 100 پايىزىن، مامانداندىرىلعان اۆتوموبيل مەن تراكتوردىڭ ءاربىر ەكىنشىسىن، استىق جينايتىن كومباينداردىڭ 65 پايىزىن، ءاربىر 4-كيلوگرام التىن وندىرەدى. سونىمەن قاتار قۇس ەتى، وڭدەلگەن ءسۇت، جۇمىرتقا، ۇن وسىمدىك مايىن وندىرۋدە ۇلەسى زور. ءىرى جوبالار اراسىندا جىلىنا 60 ميلليون دانا كىرپىش شىعاراتىن «ەنكي پليۋس» زاۋىتىنىڭ قۇرىلىسى بار. جاقىن ارادا جىلىنا 120 ميلليون دانا كىرپىش شىعاراتىن زاۋىت ىسكە قوسىلادى. ال، جىل سوڭىنا دەيىن قۇرامىندا التىن بار كەندى وڭدەيتىن جىلدىق قۋاتى 5 ميلليون توننا بولاتىن ءىرى گيدرومەتاللۋرگيالىق كەشەندى ىسكە قوسۋ جوسپاردا بار»، - دەدى ەرمەك مارجىقپايەۆ.

ايماق باسشىسى اتاپ وتكەندەي، ارشالى اۋدانىندا جىلىنا 6 مىڭ توننا قۇس ەتىن وندىرەتىن كاسىپورىننىڭ تۇراقتى جۇمىسى ەسەبىنەن وبلىستا قۇس ەتىن ءوندىرۋ ايتارلىقتاي وسكەن.

الداعى كۇزدە ورتا ازياداعى ەڭ ءىرى قۇس فابريكاسى «ماكينسك قۇس فابريكاسى» قۇرىلىسىنىڭ 3- كەزەڭى اياقتالادى. بۇل قۇس ەتىنىڭ يمپورتىن 15 پايىزعا ازايتۋعا مۇمكىندىك بەرمەكشى.

ايتا كەتسەك، بۇدان بۇرىن اقمولا وبلىسىندا بيىل 5 مىڭعا جۋىق وتباسى باسپانالى بولاتىنىن جازعان بولاتىنبىز.

جاڭالىقتار