ەلوردادا «قازاقستان بارىسى» تۋرنيرىنىڭ فينالى وتەدى
27 ماۋسىم 07:32

ەلوردادا «قازاقستان بارىسى» تۋرنيرىنىڭ فينالى وتەدى

نۇر- سۇلتان. قازاقپارات - استانا كۇنىنە ورايلاستىرىلعان قازاق كۇرەسىنەن «قازاقستان بارىسى» Ⅺ رەسپۋبليكالىق تۋرنيرى 3- شىلدە كۇنى «بارىس- ارەنا» مۇز سارايىندا وتەدى، دەپ حابارلايدى قازاقپارات قازاقستان بارىسىنىڭ فەيسبۋكتەگى پاراقشاسىنا سىلتەمە جاساپ.

ءداستۇرلى تۋرنير ەلىمىزدە ۇلتتىق سپورتتى دامىتۋ ارقىلى سالاۋاتتى ءومىر سالتىن ناسيحاتتاۋ، مەملەكەتتىك رامىزدەردىڭ 30 جىلدىعىن اتاپ ءوتۋ، قالا كۇنىن مەرەكەلەۋ جانە بالالار جىلى اياسىندا جاستاردى ۇلتتىق سپورتپەن شۇعىلدانۋعا تارتۋ، ولاردىڭ بويىندا وتانسۇيگىشتىك سەزىمدى قالىپتاستىرۋ ماقساتتارىن جۇزەگە اسىرادى.

جارىس ەرەجەسىنە سايكەس ءساۋىر- مامىر ايلارىندا اۋىل، اۋدان، وبلىستىق (قالالىق) دەڭگەيدەگى جانە كۇشتىك قۇرىلىمدار جەلىسى اراسىندا ىرىكتەۋ جارىستارى تولىعىمەن ءوتىپ، وعان ەلىمىز بويىنشا بەس مىڭعا جۋىق سپورتشى قاتىستى. سونىڭ ىشىنەن 36 بالۋان اقتىق سىنعا جولداما الدى.

ولاردىڭ ىشىندە وسىعان دەيىن جەڭىس تۇعىرىنان كورىنگەن مۇحيت تۇرسىنوۆ، ەلامان ەرعاليەۆ، ەراسىل قاجىبايەۆ، عالىمجان قىرىقبايەۆتار بار. 2021 -جىلدىڭ جەڭىمپازى داۋرەن نۇرالينوۆ جاراقاتىنا بايلانىستى تۋرنيگە قاتىسپايتىنىن مالىمدەدى. سونداي- اق، ەكى دۇركىن «قازاقستان بارىسى» اتانعان ايبەك نۇعىماروۆ سپورتتىق جولىن اياقتاعانىن رەسمي تۇردە جاريالادى.

تۋرنيردى ق ر مادەنيەت جانە سپورت مينيسترىلىگى جانە نۇر- سۇلتان قالاسى اكىمدىگىنىڭ قولداۋىمەن «Qazaqstan Barysy» قورى مەن Qazaq kuresi اسسوتسياتسياسى ۇيىمداستىرادى. قازاق كۇرەسى ەرەجەسىنە ەنگىزىلگەن وزگەرتۋلەرگە بايلانىستى بيىلعى تۋرنير «بۇك» ۇپايىنسىز وتەدى.

«قازاقستان بارىسى» تۋرنيرىنىڭ جۇلدە قورى ادەتتەگىدەي، جەڭىمپاز بالۋانعا 25000000 تەڭگە جانە التىن بەلبەۋ مەن اۋىسپالى التىن «تايتۇياق» تابىستالادى.

ەكىنشى ورىنعا 5500000 تەڭگە جانە ءۇشىنشى ورىنعا 1800000 تەڭگە، سايكەسىنشە كۇمىس جانە قولا بەلبەۋلەرمەن ماراپاتتالادى. جانكۇيەرلەر تۋرنيردى Qazsport ارنالارى ارقىلى تىكەلەي ەفيردەن كورە الادى. بيلەتتەر zakazbiletov.kz سايتىندا ساتىلىمدا. رەسمي سالماق ولشەۋ ءراسىمى 1- شىلدە ساعات 19.00- دە «حان شاتىر» س و س و بەلگىلەنىپ وتىر.

جاڭالىقتار