قازاقستاندا اپتا ىشىندە بولعان كادرلىق تاعايىنداۋلار
26 ماۋسىم 10:32

قازاقستاندا اپتا ىشىندە بولعان كادرلىق تاعايىنداۋلار

نۇر-سۇلتان. قازاقپارات - ءوتىپ بارا جاتقان اپتادا ەلىمىزدە ءبىرقاتار كادرلىق اۋىس- ءتۇيىس بولدى.

پرەزيدەنت اكىمشىلىگىندە ءبولىم مەڭگەرۋشىسى تاعايىندالىپ، اقپارات مينيسترلىگى جاستار جانە وتباسى ىستەرى كوميتەتىنە جاڭا ءتوراعا كەلدى.

***

مەملەكەت باسشىسىنىڭ وكىمىمەن رۋسلان مۇحتار ۇلى تۇرعانالى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قىزمەت جانە كادر ساياساتى ءبولىمىنىڭ مەڭگەرۋشىسى لاۋازىمىنا تاعايىندالدى. رۋسلان مۇحتار ۇلى تۇرعانالى 1986 -جىلى جامبىل وبلىسىندا تۋعان. 2008 -جىلى قازاق گۋمانيتارلىق- زاڭ ۋنيۆەرسيتەتىن، 2016 -جىلى «بولاشاق» باعدارلاماسى بويىنشا ۇلىبريتانيانىڭ نوتتينگەم ۋنيۆەرسيتەتىن بىتىرگەن. ماماندىعى بويىنشا حالىقارالىق قۇقىق باكالاۆرى، مەملەكەتتىك ساياسات ماگيسترى. 2021 -جىلعى شىلدەدەن باستاپ پرەزيدەنت اكىمشىلىگىنىڭ مەملەكەتتىك قىزمەت جانە كادر ساياساتى ءبولىمى مەڭگەرۋشىسىنىڭ ورىنباسارى بولدى.

***

وسى اپتادا قايرات دۇيسەمباي ۇلى بايمۋلدينوۆ ق ر اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنىڭ ءتوراعاسى بولىپ تاعايىندالدى. قايرات بايمۋلدينوۆ 1983 -جىلى قاراعاندى وبلىسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، قاراعاندى «بولاشاق» وزەكتى ءبىلىم بەرۋ ينستيتۋتىن ءتامامداعان. ەڭبەك جولىن 2004 -جىلى وڭىرلىك گازەتتە جۋرناليست بولىپ باستادى. 2020 -جىلعى تامىزدان باستاپ قازىرگى ۋاقىتقا دەيىن ق ر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتى ءتوراعاسىنىڭ ورىنباسارى بولدى.

***

قانات تايمەردەنوۆ ىشكى ىستەر مينيسترلىگىنىڭ ورتالىق اپپاراتىنا لاۋازىمدى قىزمەتكە اۋىستىرىلىپ جاتىر. ايتا كەتەيىك، بۇگىن بۇقارالىق اقپارات قۇرالدارىندا ق. تايمەردەنوۆ الماتى قالالىق پوليتسيا دەپارتامەنتىنىڭ باستىعى قىزمەتىنەن بوساتىلعانى جونىندە اقپارات تاراعان بولاتىن.

***

اتىراۋ وبلىسى جىلىوي اۋدانىنىڭ اكىمى قىزمەتىنە جۇمابەك قاراجانوۆ تاعايىندالدى. ج. قاراجانوۆ قازاقستان- بريتان تەحنيكالىق ۋنيۆەرسيتەتىن، قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىن «ەكونوميكا جانە بيزنەس» ماماندىعى بويىنشا بىتىرگەن. ەكونوميكا جانە بيزنەس ماگيسترى، مەملەكەتتىك اۋديتور سەرتيفيكاتى بار. 2019 -جىلدىڭ اقپان ايىنان باستاپ اتىراۋ قالاسى اكىمىنىڭ ورىنباسارى قىزمەتىن اتقاردى.

***

بۇل اپتادا ماڭعىستاۋ وبلىسىنىڭ جاستار ساياساتى ماسەلەلەرى باسقارماسىنىڭ باسشىسى بولىپ باتىرحان قۋانىشبەكوۆ تاعايىندالدى. ب. قۋانىشبەكوۆ ش. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىن «قۇقىق تانۋ» جانە «تۋريزم» ماماندىقتارى بويىنشا ەكى جوعارى ءبىلىم العان. ەڭبەك جولىن 2012 -جىلى اقتاۋ قالاسى اكىمى اپپاراتىندا ءىس جۇرگىزۋشى بولىپ باستاعان. 2014-2022 -جىلدار ارالىعىندا ماڭعىستاۋ وبلىسىنىڭ ىشكى ساياسات باسقارماسىندا ينسپەكتور، تالداۋ جانە مونيتورينگ ءبولىمىنىڭ باس مامانى، تالداۋ جانە مونيتورينگ ءبولىمىنىڭ باسشىسى، ىشكى ساياسات باسقارماسى باسشىسىنىڭ ورىنباسارى لاۋازىمدارىن اتقاردى. ***

مۇرات بايسالوۆ ق ر مەملەكەتتىك قىزمەت ىستەرى اگەنتتىگى ب ق و بويىنشا دەپارتامەنتىنىڭ باسشىسى، ادەپ جونىندەگى كەڭەستىڭ ءتوراعاسى بولىپ تاعايىندالدى. م. سەيلبەك ۇلى 1988 -جىلى وڭتۇستىك قازاقستان وبلىسىنىڭ كەنتاۋ قالاسىندا دۇنيەگە كەلگەن. قازاقستان مەنەدجمەنت، ەكونوميكا جانە بولجاۋ ينستيتۋتىن مەملەكەتتىك باسقارۋ ماماندىعى بويىنشا بىتىرگەن. پرەزيدەنتتىك جاستار كادر رەزەرۆىنىڭ مۇشەسى. جاڭا لاۋازىمعا تاعايىندالعانعا دەيىن ق ر مەملەكەتتىك قىزمەت ىستەرى اگەنتتىگى مەملەكەتتىك قىزمەتتەر دەپارتامەنتى ديرەكتورىنىڭ ورىنباسارى قىزمەتىن اتقاردى. ***

الماتى جاستار ساياساتى باسقارماسىنا باسشى بولىپ قايىرجان مەڭدىعاليەۆ تاعايىندالدى. ق. مەڭدىعالييەۆ 2011 -جىلى ءال- فارابي اتىنداعى قازاق ۇلتتىق ۋنيۆەرسيتەتىنىڭ ەكونوميكا جانە بيزنەس جوعارى مەكتەبىن قۇقىق جانە ەكونوميكا نەگىزى ماماندىعى بويىنشا ءبىتىردى. 2013 -جىلى وسى ۋنيۆەرسيتەتتە يننوۆاتسيالىق مەنەدجمەنت ماماندىعى بويىنشا ەكونوميكا عىلىمدارىنىڭ ماگيسترى دارەجەسىن الدى. 2018 -جىلدان 2021 -جىلعا دەيىن جەكە قۇرىلىمداردا جۇمىس ىستەدى. الماتى قالاسى جاستار ساياساتى باسقارماسىنىڭ باسشىسى بولىپ تاعايىندالعانعا دەيىن حالىقارالىق ءبىلىم بەرۋ كورپوراتسياسىنىڭ ءبىرىنشى پرورەكتورى قىزمەتىن اتقاردى.

***

«قازاقستان حالقىنا» قورى قامقورشىلىق كەڭەسىنىڭ جاڭا ءتوراعاسى بولىپ «اتامەكەن» ۇكپ- ءنىڭ كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس- قيمىل جونىندەگى كەڭەستىڭ ءتوراعاسى قايىربەك سۇلەيمەنوۆ سايلاندى.

***

اپتانىڭ باسىندا الماتى جانە جەتىسۋ وبلىسىنداعى كاسىپكەرلەر پالاتاسىنىڭ ديرەكتورلارى تاعايىندالدى. مەريتوكراتيا قاعيداتى بويىنشا جەتىسۋ وبلىسى وكىلدىگىنىڭ ديرەكتورى بولىپ الماتى وبلىسى وڭىرلىك كاسىپكەرلەر پالاتاسىنىڭ بۇرىنعى باسشىسى داۋرەن وڭالبايەۆ، الماتى وبلىسى وكىلدىگىنىڭ باسشىسى قىزمەتىنە ۇلتتىق كاسىپكەرلىك پالاتاسى اگروونەركاسىپ كەشەن دەپارتامەنتى ديرەكتورىنىڭ ورىنباسارى قۋاندىق چۋنكۋنوۆ تاعايىندالدى.

ەسكە سالايىق، 2022 -جىلدىڭ 8-ماۋسىمىندا ق ر پرەزيدەنتىنىڭ «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسىنىڭ كەيبىر ماسەلەلەرى تۋرالى» جارلىعى كۇشىنە ەندى. ناتيجەسىندە جاڭادان قۇرىلعان وڭىرلەردە كاسىپكەرلەر پالاتاسى اشىلىپ جاتىر.

اۆتور: رۋسلان عابباسوۆ

جاڭالىقتار