ءبىر وبلىسىتىڭ تۇرعىندارى جۇرگىزۋشى كۋالىگىنە ەمتيحان تاپسىرا الماي الەك
25 ماۋسىم 08:21

ءبىر وبلىسىتىڭ تۇرعىندارى جۇرگىزۋشى كۋالىگىنە ەمتيحان تاپسىرا الماي الەك

پەتروپاۆل. قازاقپارات - سولتۇستىك قازاقستان وبلىسىنىڭ مامانداندىرىلعان حالىققا قىزمەت كورسەتۋ ورتالىعىنداعى بارلىق اۆتوكولىك بىردەن بۇزىلىپ، تۇرعىندار جۇرگىزۋشى كۋالىگىن الۋ ءۇشىن ەمتيحان تاپسىرا الماي جاتىر، دەپ حابارلايدى قازاقپارات ءتىلشىسى.

س ق و تۇرعىندارى مامانداندىرىلعان حالىققا قىزمەت كورسەتۋ ورتالىعىنىڭ جۇمىس ىستەمەي تۇرعاندىعى جونىندە نارازىلىقتارىن الەۋمەتتىك جەلىدە ءبىلدىردى. ولار ۆ ساناتى (مەحانيكا) ءۇشىن ەمتيحان تاپسىرا الماي جۇرگەندەرىنە شاعىمداندى. ورتالىققا حابارلاسقان تۇرعىندار قىزمەتتىڭ قاشان كورسەتىلەتىندىگى جونىندە جاۋاپ الا الماعان.

جەلى قولدانۋشىلارىنا «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق فيليالىنىڭ PR- مەنەدجەرى انار قۇسانوۆا جاۋاپ بەردى. ماماننىڭ ايتۋىنشا، 23-ماۋسىم كۇنى بىردەن ءۇش اۆتوكولىك بۇزىلعان. ول كولىكتەر ۆ ساناتىنا ەمتيحان تاپسىرۋ ءۇشىن قولدانىلادى. ماشينالاردىڭ بىرەۋىن بۇگىن، 24-ماۋسىم جوندەۋلەرى ءتيىس. قالعاندارى دا جاقىن ارادا ىسكە قوسىلادى. ءوڭىر تۇرعىندارى مامىر ايىندا عانا مامانداندىرىلعان حالىققا قىزمەت كورسەتۋ ورتالىعىنىڭ جۇمىسىنا نارازىلىقتارىن بىلدىرگەن ەدى. ول كەزدە ادامدار اۆتودرومنىڭ جۇمىس ىستەمەۋىنەن كورشى وبلىستارعا بارىپ ەمتيحان تاپسىرۋعا ءماجبۇر بولدى.

پەتروپاۆلداعى مامانداندىرىلعان حالىققا قىزمەت كورسەتۋ ورتالىعى 2014 -جىلى اشىلعان. 8 جىل بويى توقتاۋسىز جۇمىس ىستەپ كەلگەن قۇرال- جابدىقتارتىڭ توزىعى جەتكەن. ەسكىرگەن جابدىقتار كوكتەمدە اۋىستىرىلدى، اۆتودرومدا دەمونتاج جۇمىستارى جۇرگىزىلىپ، كولىكتەردەگى GPS داتچيكتەر جاڭالاندى.

جاڭالىقتار