Qazaqstandyq 3 taekvondoshy Para Azııa oıyndaryna joldama aldy
2022 jylǵy 29 mamyr 07:34

Qazaqstandyq 3 taekvondoshy Para Azııa oıyndaryna joldama aldy

NUR-SULTAN. QazAqparat - BAÁ-niń Shardja qalasynda parataekvondodan ótken Para Azııa oıyndaryna irikteý týrnıri máresine jetti, dep habarlaıdy QazAqparat.

Jarysqa Qazaqstanmen birge, Ózbekstan, Laos, Fılıpın, Taıland, Japonııa, Bahreın, Irak, Iran, Indııa, Nepal jáne Monǵolııa memleketterinen 70-ke jýyq sportshy qatysty.

«Týrnırde el namysyn 7 sportshy qorǵap, júldeli oryndarǵa ıe boldy. Olardyń qatarynda birinshi oryn ıelengen Alısher Garıpollaev, ekinshi oryndy jeńip alǵan Janbolat Qazıev pen Mılana Krasavtseva, úshinshi oryndy enshilegen Baýyrjan Kósherbaev pen Nurbek Jumaqan bar. Munyń ishinde Alısher Garıpollaev, Janbolat Qazıev jáne Mılana Krasavtseva Para Azııa oıyndaryna joldama aldy», - dep habarlady Mádenıet jáne sport mınıstrliginen.

Aıta ketsek, atalmysh oıyndar tórt jylda bir ret ótetin dúbirli doda bolyp keledi. Kezekti jazǵy IV Para Azııa oıyndary Qytaı Halyq Respýblıkasynyń Hanchjoý qalasynda ótedi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT