ShQO-da joǵalyp ketken jetkinshek qaraýsyz qalǵan úıden tabyldy
2022 jylǵy 28 mamyr 01:23

ShQO-da joǵalyp ketken jetkinshek qaraýsyz qalǵan úıden tabyldy

ÓSKEMEN. QazAqparat – Shyǵys Qazaqstan oblysy Jarma aýdanynda iz-túzsiz joǵalǵan jetkinshek qaraýsyz qalǵan úıden tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 26 naýryzda Jarma aýdany Shar qalasynyń turǵyny polıtsııaǵa qońyraý shalyp, balasynyń joǵalyp ketkenin jetkizdi. Úıden syrtqa shyqqan 13 jastaǵy jetkinshek sol kúıi habar-osharsyz ketken. Ata-anasy óz betinshe izdegenimen odan esh nátıje shyqpaǵan.

«Jarma aýdandyq polıtsııa bóliminiń jeke quramy dereý balany izdeýge jumyldyryldy. Olarǵa eriktiler men jergilikti atqarýshy organ ókilderi qosyldy. Bala barýy múmkin degen jerler, aýlalar, úı shatyrlary men qudyqtar tekserildi. Іzdeý jumystary kúndiz-túni jalǵasty», - delingen aqparatta.

Sonyń nátıjesinde, kelesi kúni tańerteń jetinshi synyp oqýshysy qaraýsyz qalǵan úıden tabyldy. Belgili bolǵandaı, bala jaqyndarymen janjaldasyp qalǵandyqtan úıden ketip, qalanyń shetine qaraı bet alǵan. Ol jaqta qaraýsyz qalǵan úıge baryp túnegen.

Óz kezeginde ata-anasy balasyn taýyp bergen polıtseılerge rızashylyǵan bildirdi.

Esterińizge sala ketsek, osyǵan deıin ShQO turǵyndary zańsyz saqtalǵan 100 qarýdy ótkizgenin habarlaǵan edik.


Uqsas jańalyqtar

Jańalyqtar

Úrdis

MURAǴAT