Atyraý oblysynda 10 áleýmettik nysannyń qurylysynda qıyndyq týyndady
2022 jylǵy 27 mamyr 02:11

Atyraý oblysynda 10 áleýmettik nysannyń qurylysynda qıyndyq týyndady

ATYRAÝ. QazAqparat – Atyraý oblysynda bıýdjet qarjysyna salynyp jatqan 28 nysan bar. Alaıda, 10 nysannyń qurylysynda problema týyndap otyr. Osyǵan oraı oblys ákimi áleýmettik nysandardy merziminde aıaqtaýdy tapsyrdy, dep habarlaıdy QazAqparat.

Atyraý oblysynyń ákimi Serik Shápkenov qurylysy merziminen keshiktirilgen áleýmettik nysandarǵa qatysty jıyn ótkizdi. Qurylysy aıaqtalmaı qalǵan jobalar jóninde oblystyq qurylys basqarmasy basshysynyń mindetin atqarýshy Nurbergen Qusaıynov baıandady.

«Qazir bıýdjet qarajaty esebinen qurylysy júrgizilip jatqan 28 áleýmettik nysan bar. Onyń ishinde 10 nysannyń qurylysyna qatysty problema týyndap otyr. Sondaı nysandardyń qatarynda 1 mektep, 4 mekteptiń japsarjaıy, 2 mádenıet úıi, 2 dárigerlik ambýlatorııa, 1 sportzal bar. Bul nysandardyń 4-eýine qatysty qylmystyq is qozǵalyp, tergeý amaldary júrip jatyr. Isataı aýdanynyń Aqqystaý aýyly men Maqat kentindegi 60 páterlik turǵyn úılerdiń qurylysy baıaý júrip jatyr», -deıdi Nurbergen Qusaıynov.

Oblys ákimi Serik Shápkenov nysandar qurylysyna tapsyrys berýshi men merdiger mekemeniń arasynda jasalǵan kelisimsharttyń oryndalý merzimin negizsiz uzartpaýdy qatań eskertti.

«Zań aıasynda jumys isteý kerek. Eger merdiger kestege saı jumys isteı almasa, kelisimshartty toqtatyp, basqa merdigerdi izdeý kerek. Osylaı jumys isteıtin bolsaq, kásipkerler de osy tártipke úıre nedi. Bul is qolynan kelmeıtin bolsa, kelesi joly mundaı jumystarǵa aralaspaıdy. Qazir keıbir eldi mekenderde klýb, mektep, sportzal, ashana joq. Turǵyndar osyndaı áleýmettik nysandardyń tez paıdalanýǵa berilýin kútip júr. Budan bólek, merdiger mekemeniń qurylysty sapasyz aıaqtaý máselesi de bar. Sondyqtan osyndaı keleńsizdikterge jol bermes úshin naqty algorıtm daıyndap, soǵan sáıkes, jumys isteý kerek», -dedi oblys ákimi Serik Shápkenov.

Eske sala ketelik, buǵan deıin «Astrahan-Mańǵystaý» sý qubyryna kúrdeli jóndeý kerektigin jazǵan bolatynbyz.


Uqsas jańalyqtar
Óskemende jańa shaǵynaýdan salynady
2022 jylǵy 9 tamyz 10:32

Óskemende jańa shaǵynaýdan salynady

ÓSKEMEN. QazAqparat – Óskemen qalasynda jańa shaǵynaýdan salynbaq, dep habarlaıdy QazAqparat tilshisi.

Qala ákimdiginiń málimetine súıensek, jańa shaǵyn aýdan Sheshek asýynda boı kóteredi. Onda turǵyn úılerden bólek, balabaqsha, sport alańy men skver salý josparlanýda.

«Jer úı salǵysy keletinder sany kún sanap artyp keledi. Sondyqtan birneshe aýdanda ınjenerlik ınfraqurylymdy salý jumystaryn júrgizip jatyrmyz. Jaqyn arada kommýnıkatsııalar tartylǵan aýmaqtarda jer telimderin berý bastalady. Sheshek asýyndaǵy jańa yqsham aýdan 1099 turǵyn úıge eseptelgen. Onda sýmen jabdyqtaý júıesi qazirdiń ózinde daıyn. Al elektr jelileriniń qurylysy sońǵy satyda», - deıdi Óskemen qalasynyń ákimi Jaqsylyq Omar.

Onyń aıtýynsha, ekologııalyq taza aımaqta ornalasqan aýdan qurylys salýshylar úshin de, iri ınvestorlar úshin de tartymdy. Búginde kompanııalardyń biri 80 úı salýdy kózdep otyr.


Foto: wikipedia.org



Atyraý oblysynda er adam Jaıyq ózenine batyp ketti
2022 jylǵy 9 tamyz 07:40

Atyraý oblysynda er adam Jaıyq ózenine batyp ketti

ATYRAÝ. QazAqparat – Atyraý oblysynyń Mahambet aýdanynda er adam Jaıyq ózenine batyp ketti, dep habarlaıdy QazAqparat.

«Atyraý oblysynyń Tótende jaǵdaılar departamentiniń ókilderi 8 tamyz kúni saǵat 17:42-de Mahambet aýdanyna qarasty Taldykól aýylynan 5 km jerde Jaıyq ózeninde 1977 jyly týǵan er adamnyń máıitin izdeýge shyqty. Ol saǵat 16:00-der kezinde arnaıy belgilenbegen jerde sýǵa shomylyp júrip, ózenge batyp ketken. Saǵat 18:00-de er adamnyń máıiti tabylyp, polıtsııaǵa jetkizildi»,-dep habarlady Atyraý oblystyq Tótenshe jaǵdaılar departamentiniń baspasóz qyzmeti.

Atyraý oblystyq Tótenshe jaǵdaılar departamenti óńir turǵyndaryn sýǵa shomylý kezinde qaýipsizdik erejelerin qatań saqtaýǵa jáne arnaıy belgilenbegen jerlerge sýǵa túspeýge shaqyrady.

Osyǵan deıin Atyraý oblysynda jyl basynan beri 14 adamnyń sýǵa ketkeni týraly habarlanǵan edi.

«Saryózek – Kóktal» baǵytyndaǵy jol jabyldy
2022 jylǵy 8 tamyz 14:40

«Saryózek – Kóktal» baǵytyndaǵy jol jabyldy

ALMATY. QazAqparat - «Saryózek – Kóktal» respýblıkalyq mańyzy bar avtojol ýchaskesi barlyq kólikter úshin jabyldy, - dep habarlaıdy QazAqparat tilshisi.

«8 tamyzda respýblıkalyq mańyzy bar atalǵan avtojol ýchaskesi (51-52 km) avtotransporttyń barlyq túrleri úshin jabyldy.

«Qazaqavtojol» UK Almaty oblystyq fılıalynyń habarlaýynsha, «Saryózek – Kóktal» jolynda jarylys jumystary júrgiziledi»,- delingen Almaty oblystyq Tótenshe jaǵdaılar departamentiniń baspasóz qyzmeti taratqan habarlamada.

Almaty oblysynyń TJD azamattardan osy baǵytta jol júrýden bas tartýdy suraıdy.

Buǵan deıin jarylys jumystaryna baılanysty respýblıkalyq mańyzy bar Saryózek-Kóktal tas jolynyń 45-86 shaqyrymy jabylǵan bolatyn.


Jańalyqtar

Úrdis

MURAǴAT