Qazaqstanda óndiristik jaraqat 2 paıyzǵa tómendedi
2022 jylǵy 26 mamyr 17:29

Qazaqstanda óndiristik jaraqat 2 paıyzǵa tómendedi

NUR-SULTAN. QazAqparat – Qazaqstanda óndiristik jaraqat 2 paıyzǵa tómendedi. Bul jaıynda QR Eńbek jáne halyqty áleýmettik qorǵaý birinshi vıtse-mınıstri Ahmadı Sarbasov málim etti, dep habarlaıdy QazAqparat tilshisi.

«Úkimet pen áleýmettik seriktester qabyldaǵan is-sharalardyń arqasynda óndiristik jaraqattyń tómendeý dınamıkasy bar. 2020 jáne 2021 jyldarmen salystyrǵanda óndiristik jaraqattyń 2 paıyzǵa tómendeýi baıqalady. Eger sońǵy 10 jyldy alsaq, onda 10 paıyzǵa tómendep otyr», - dedi birinshi vıtse-mınıstr elordada ótip jatqan KIOSH-2022 X Qazaqstandyq eńbekti qorǵaý jáne ónerkásiptik qaýipsizdik jónindegi halyqaralyq konferentsııa barysynda.

Degemen, ol óndiristik jaraqattaný problemasynyń áli de saqtalyp otyrǵanyn jasyrǵan joq.

«Biraq, bul problema tómendedi degendi bildirmeıdi. Ókinishke oraı, óndiristik jaraqattaný saqtalyp otyrǵan ekonomıka salalary áli de bar. Olar – Qaraǵandy, Shyǵys Qazaqstan oblystaryndaǵy taý-ken metallýrgııa keshenderi, qurylys sektory», - dedi Aqmadı Sarbasov.

Buǵan deıin atalǵan is-sharaǵa qatysqan QR Premer-Mıınstriniń orynbasary Eraly Toǵjanov elimizde 3 myńnan astam kásiporyn eńbekti qorǵaýdyń halyqaralyq standartyn engizgenin aıtqanyn jazǵan edik.


Seriktester jańalyqtary

Jańalyqtar

Úrdis

MURAǴAT