Germanııa elge kirý úshin koronavırýsqa baılanysty shekteýlerdi jeńildetti
2022 jylǵy 26 mamyr 08:46

Germanııa elge kirý úshin koronavırýsqa baılanysty shekteýlerdi jeńildetti

NUR-SULTAN. QazAqparat - 1 maýsymnan bastap Germanııaǵa baratyn azamattardan vaktsınatsııa týraly kýálik, COVID-19 juqtyrmaǵany týraly anyqtama nemese koronavırýsqa test tapsyrý talap etilmeıdi, dep habarlaıdy QazAqparat Deutsche Welle agenttigine silteme jasap.

Germanııa bıligi elge kirgisi keletin nemister men sheteldikter úshin koronavırýstyq shekteýlerdi alyp tastady. 1 maýsymnan bastap kelýshilerden 3G erejesin saqtaýdy talap etpeıdi. Mundaı sheshimdi el úkimeti 25 mamyr, sársenbi kúngi pandemııa kezinde Germanııaǵa kirý týraly jańa qaýlyda qabyldady.

3G erejesine sáıkes, GFR-ǵa kiretin 12 jastan asqan adamda vaktsınatsııa týraly sertıfıkat nemese covid-19 aýrýy týraly anyqtama nemese sońǵy 24 saǵat ishinde jasalǵan teris koronavırýs synaǵy bolýy kerek. Germanııa Densaýlyq saqtaý mınıstrliginiń baspasóz hatshysy Hanna Kaýts (Hanna Kautz) bul ereje reseılikter men belorýstarǵa qatysty emes ekenin aıtty.

Úkimettiń sheshimine sáıkes, bul qujat 1 maýsymnan 31 tamyzǵa deıin kúshinde bolady. Bılik pandemııanyń jańa tolqyny bastalsa, kúzde taǵy da shekteýler engizilýi múmkin ekenin joqqa shyǵarmaıdy. Qoldanystaǵy ereje «koronavırýstyq nusqa aımaqtary» dep atalatyn elderden barǵandarǵa qoldanylmaıdy. Olar burynǵydaı Germanııaǵa barǵannan keıin, vaktsınatsııalanǵanyna nemese aýyrǵanyna qaramastan 14 kún oqshaýlanýy kerek.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT