SQO-da jastarǵa kásip ashýǵa 430 mln teńge grant berilmek
2022 jylǵy 25 mamyr 15:24

SQO-da jastarǵa kásip ashýǵa 430 mln teńge grant berilmek

PETROPAVL. QazAqparat – Soltústik Qazaqstan oblysynda bıyl 338 jasqa kásip ashýǵa jalpy somasy 430 mln teńge grant beriledi. Bul múmkindikti jyl basynan beri 30 adam paıdalandy, dep habarlaıdy QazAqparat tilshisi.

SQO Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, kásipkerlik salasynda baǵyn synap, bıznes-ıdeıasyn júzege asyryp kórgisi keletin jáne ózin-ózi jumyspen qamtyp otyrǵan jastarǵa 400 AEK mólsherinde grant beriledi.

«Bul qarajatqa eńbek quralyn, ıaǵnı qural-jabdyqty, tehnologııalyq qondyrǵylardy, tórt túlik, qus satyp alýǵa bolady. Bıyl óz isin ashýshylarǵa 430 mln teńgeniń 338 granty bólindi. Ázirge tek 30 adam ǵana bul múmkindikti paıdalandy», - deıdi basqarma basshysynyń mindetin atqarýshy Rınat Eljasov.

2017-2021 jyldar aralyǵynda «Eńbek» baǵdarlamasy aıasynda SQO-da 34 myńnan astam jas jumyspen qamtyldy. Bıyl bul shara 2021-2025 jyldarǵa arnalǵan kásipkerlikti damytý ulttyq jobasy aıasynda jalǵasady. Ýnıversıtet, kolledj jáne 11-synyp túlekterine basymdyq beriledi.

«Joba aıasynda jastar kásibı bilim alýǵa, áleýmettik jumys oryndarynda tájirıbe jınaý úshin eńbektenýge, jastar tájirıbesine qatysýǵa, basqa óńirlerden qonys aýdarýǵa jáne óz isin ashý úshin grant alýǵa múmkindikteri bar. Jyl basynan jobaǵa 1 300-den astam jas qatysty, onyń 63%-y – aýyl turǵyndary», - deıdi Rınat Eljasov.

Bıyl jumyssyz júrgen 500 adam tegin alǵashqy kásipti meńgere alady.

«Áleýmettik jumys ornyna 46 adam ornalastyryldy. Bul kómekti ýnıversıtet pen kolledji bitirgenine 3 jyl tola qoımaǵan jastar ala alady. Jastary 29-dan aspaýy kerek. Olar bir jylǵa qabyldanady, eńbekaqysy 30 AEK-ten tómen bolmaıdy. Alǵashqy jumys orny jobasyna 188 adam qabyldandy. Munda da óz talaptary bar, jasy 29-dan aspaýy tıis, buǵan deıin esh jerde jumys istemegen, tájirıbesi joq mamandar 1,5 jylǵa jumysqa alynady. Eńbekaqysy 30 AEK kem bolmaıdy, jumyspen qamtý ortalyǵy onyń alǵashqy jylynyń eńbekaqysyna sýbsıdııa bóledi. Al, «Urpaqtar kelisimsharty» aıasynda 28 jas jumysqa ornalasty», - deıdi basqarma basshysynyń mindetin atqarýshy.

Buǵan deıin habarlanǵanyndaı, barlyq óńirde jastarǵa arnalǵan turǵyn úı baǵdarlamasy iske qosylady.


Uqsas jańalyqtar
SQO-da 600-ge jýyq muǵalimniń orny bos tur
2022 jylǵy 10 tamyz 15:10

SQO-da 600-ge jýyq muǵalimniń orny bos tur

PETROPAVL. QazAqparat – Soltústik Qazaqstan oblysynda 600-ge jýyq ustaz jetispeıdi. Ásirese matematıka, orys jáne shet tilderi, ınformatıka men fızıka pánderiniń muǵalimderi tapshy, dep habarlaıdy QazAqparat tilshisi.

SQO bilim basqarmasynyń málimetinshe, jańa oqý jylynda pedagog kadrlardyń jetispeýshiligine zeınet jasyndaǵy ustazdardyń qyzmetten ketip, oryndaryn bosatýy sebep bolǵan. Oqý jylynyń sońynda oblys mektepterinde 418 zeınetker ustaz jumys istegen. Sondaı-aq, keı muǵalimderdiń dekrettik demalysqa ketýi jáne basqa eldi mekenderge qonys aýdarýy da muǵalim tapshylyǵyn týdyrǵan.

Jalpy, bıyl oblys mektepterine 400-den astam jas mamandy jumysqa alý josparlanǵan. Sonyń 75%-y aýyl mektepterine qabyldanady.

Pedagogterdyń jetispeýshiligi máselesin sheshý úshin SQO ákimi muǵalim mamandyqtaryna grant taǵaıyndaǵan edi. Bıyl bıýdjet esebinen bilim alǵan 46 maman dıplomyn qolyna aldy. 1 qyrkúıek kúni jumysqa kirispek. Olar shart boıynsha oqý ordalarynda 3 jyl jumys isteýi tıis.

«Eldi mekenderge jumys isteýge barǵan jas mamandarǵa «Dıplommen aýylǵa» baǵdarlamasy arqyly 100 AEK mólsherinde kótermeaqy bar. Sondaı-aq, 1500 AEK mólsherinde baspana alýǵa bıýdjettik nesıe beriledi. Ustazdyq qyzmetke endi kirisken jas mamandar ulttyq biliktilik synaǵyn tapsyrýy tıis. Bıyldan bastap, mınıstrliktiń №57 buıryǵyna sáıkes, bilim ordalaryna ornalasyp jatqan ustazdar konkýrstan ótýi qajet. Al shaǵyn jınaqty mektepterge pedagogter ótinish boıynsha qabyldana beredi», - deıdi SQO bilim basqarmasynyń bólim basshysy Gúlshat Shaımerdenova.

SQO-da qazirgi ýaqytta 472 mektep bolsa, sonyń 75%-y – shaǵyn jınaqty. Sondyqtan, olarǵa hımııa-bıologııa, fızıka-matematıka sekildi qos pánnen sabaq bere alatyn ustazdar qajet.


Medıtsınalyq qaldyqtardy joıatyn kásiporynnan densaýlyqqa zııan bar - SQO turǵyndary
2022 jylǵy 10 tamyz 14:55

Medıtsınalyq qaldyqtardy joıatyn kásiporynnan densaýlyqqa zııan bar - SQO turǵyndary

PETROPAVL. QazAqparat – Soltústik Qazaqstan oblysyndaǵy Maloe Beloe eldi mekeninde bir jylda 4 adam leıkemııadan qaıtys boldy. Muny jergilikti turǵyndar osyndaǵy kásiporynnyń jumysymen baılanystyrady, dep habarlaıdy QazAqparat tilshisi.

SQO Qyzyljar aýdany Maloe Beloe eldi mekeniniń turǵyny Evgenıı Nıkıforovtyń aıtýynsha, 30 shaqty úıi bar aýyl halqyn osyndaǵy kásiporyn ýlap jatyr. Zaýyt medıtsınalyq qaldyqtardy joıýmen aınalysady.

«Kúndiz kóbine peshterin jaǵa qoımaıdy, negizinen túnde jumys isteıdi. Qoıý, ay tútinnen esik-terezemizdi asha almaımyz. Bul jerde jaramdylyq merzimi ótken dárilerden bastap, qoldanylǵan ınelerdi, túrli ydystardy, tipti otadan keıin kesilgen aıaq-qoldardy da órteıdi. Al, odan ushqan kúl bizdi ýlap jatyr. Tek bir jyldyń ishinde aýylda tórt adam qan obyrynan qaıtys boldy. Qazir balalarymyzdyń báriniń allergııasy bar. Kózderi jasaýrap, túshkire beredi. Bul máseleni kótergenimizge birneshe jyl boldy. Kásiporyndaǵylar sen nege tynysh otyrmaısyń, bizdiń senderdi ýlaýǵa ruqsatymyz bar dep aıtady», - deıdi eldi meken turǵyny.

Eldi meken qaraıtyn Asanov aýyldyq okrýginiń ákiminiń aıtýynsha, «Ekomed-farmatsııa» JShS aýylda 2019 jyldan bastap jumys istep keledi.

«Aqpan aıynda kásiporynnyń lıtsenzııasynyń merzimi aıaqtaldy. Qazir ruqsat alý úshin qujattaryn daıyndap jatyr. Buǵan deıin másele týyndaǵan emes. Olar qoldanylǵan ınelerdi joıýmen aınalysady», - deıdi aýyl ákimi Serikbaı Qazeev.

Máseleni SQO boıynsha «Adaldyq alańy» jobalyq keńsesi baqylaýǵa almaq.

«JShS bar, alaıda lıtsenzııasy joq. Biz SQO ekologııa departamentine aryz jazamyz, bul tekseristi bastaýǵa negiz bolady. Osylaısha kásiporynnyń ruqsatsyz jumys istegenin dáleldeýimiz kerek. Sondaı-aq, polıtsııaǵa júginip, qyzmettik tergeý júrgizýin suraımyz», - deıdi SQO boıynsha «Adaldyq alańy» jobalyq keńsesiniń jetekshisi Rýslan Asaýbaev.


Soltústik Qazaqstanda qantqa qatysty dúrbeleń basyldy
2022 jylǵy 10 tamyz 10:41

Soltústik Qazaqstanda qantqa qatysty dúrbeleń basyldy

PETROPAVL. QazAqparat – Soltústik Qazaqstan oblysynda qantqa qatysty dúrbeleń basylyp, ónimniń kelisi 500 teńgeden satylyp jatyr, dep habarlaıdy QazAqparat tilshisi.

Petropavldaǵy «Rahmet» saýda-oıyn-saýyq ortalyǵy men «Severnyı 2» sýpermarketinde ótken aptamen salystyrǵanda suıyq maı, un jáne qant arzandaǵan. Qant jetkilikti mólsherde bar, baǵasy – 500 teńge. Alaıda, kartop, pııaz, qyryqqabat jáne sábiz bir otbasyna 5 keliden ǵana satylyp jatyr. Kartoptyń baǵasy 172 teńgeden bastalady.

«Severnyı» saýda jelisiniń ákimshisi ıÝlııa Petrovanyń aıtýynsha, qantqa qatysty dúrbeleń qazir joq. Maýsym men shildede tutynýshylar dúkender ashylǵanǵa deıin 2 saǵat buryn kezek túzgen edi.

«Taýardy jetkilikti kólemde ýaqtyly jetkizip berýge qatysty qıyndyq ara-tura týyndap qalýy múmkin. Qazir konservatsııalaý kezeńi júrip jatqanyna qaramastan, suıyq maıǵa qatysty da másele joq. Barlyq úsh dúkenimizde azyq-túlik qory jetkilikti. Un arzandady, 253 teńgeden satyp jatyrmyz. Keı taýar túrleri bolmaı qalsa, ózimiz izdep tabamyz, biraq baǵasyn tym qymbattatpaımyz, ári ketse 50-60 teńge ústeme qosamyz», - deıdi ıÝlııa Petrova.

«AMANAT» partııasy SQO fılıaly baspasóz qyzmetiniń málimetinshe, partııanyń monıtorıngtik toptary bir apta ishinde óńirdegi saýda oryndaryna 100-den astam reıd ótkizdi. Mundaı baqylaý endi dástúrli túrde júrgizilmek. Osylaısha, áleýmettik mańyzy bar taýarlar baǵasynyń negizsiz kóterilýine qarsy kúresedi. Derek anyqtalǵan jaǵdaıda aqparatty tıisti vedomstvolarǵa joldaıdy.

Partııanyń monıtorıngtik toby turaqtandyrý qory arqyly satylatyn 19 túrli ónimniń baǵasyn baqylaıdy. Al, bul tizimge engizilmegen taýar túrleriniń baǵasy áli de bolsa aspandap tur.

«Baǵaǵa belgili bir baqylaý jáne saraptama mindetti túrde qajet. Buǵan deıin qant baǵasy erekshe sharyqtap ketken bolsa, búginde 500 teńgeden erkin satylyp jatyr. Jergilikti atqarýshy organdar taýar óndirýshilermen jáne jetkizýshilermen baılanys ornatqanyn, sonyń nátıjesinde taýardyń keıbir túrlerine baǵany turaqtandyrý múmkindigi bar ekenin kórip otyrmyz. Jalpy, ótken aptamen salystyrǵanda jaǵdaı birshama túzelgen. Alaıda, jaǵdaı osy qalpynda únemi ózgerissiz saqtalady dep aıta almaımyz, ózgerýi múmkin», - deıdi «AMANAT» partııasy oblystyq fılıalynyń atqarýshy hatshysy Ásem Rahmetova.


Jańalyqtar

Úrdis

MURAǴAT