Almatyda vaktsınatsııanyń tolyq kýrsynan 1 163 779 adam ótti
2022 jylǵy 25 mamyr 11:45

Almatyda vaktsınatsııanyń tolyq kýrsynan 1 163 779 adam ótti

ALMATY. QazAqparat – Almatyda turaqty epıdemıologııalyq jaǵdaıdy qamtamasyz etý maqsatynda halyqty KVI-ge qarsy vaktsınalaý men revaktsınatsııalaý jalǵasýda, dep habarlaıdy QazAqparat tilshisi.

Almaty qalasynyń sanıtarııalyq-epıdemıologııalyq baqylaý departamentiniń málimetinshe, Almatyda KVI boıynsha epıdemıologııalyq jaǵdaı turaqty, qala «jasyl» aımaqta.
«Almatyda ótken jyldyń 1 aqpanynan bastap bıylǵy 23 mamyrǵa deıin KVI-ge qarsy birinshi komponentpen 1 206 418 adam egildi, vaktsınatsııanyń tolyq kýrsymen 1 163 779 adam qamtyldy. Sondaı-aq, 23 mamyrda qalada KVI-ge qarsy 430 509 adam revaktsınatsııadan ótti»,- delinedi vedomstvo habarlamasynda.
Sondaı-aq, departamentten habarlaǵandaı, qalada qazir ujymdyq ımmýnıtet 60,2%-dy quraıdy. Bul turaqty epıdemıologııalyq jaǵdaıdy ustap turýǵa jetkiliksiz (ımmýndyq qabat keminde 80% bolýy qajet).
KVI juqtyrý qaýpi joǵary myna adamdar KVI-ge qarsy qaıta revaktsınatsııalaýǵa jatady: 1) medıtsına qyzmetkerleri;
2) medıtsınalyq-áleýmettik mekemelerdiń kontıngenti men personaly;
3) kúshtik qurylymdardyń qyzmetkerleri;
4) pedagogtar;
5) penıtentsıarlyq (qylmystyq-atqarý) júıe mekemeleriniń kontıngenti;
6) 50 jastan asqan adamdar.
Almaty qalasyndaǵy barlyq qalalyq emhanalarda QazCOVIDin/Qazvak, VeroCell, «Komırnatı» (Pfizer, AQSh) sııaqty COVID-19-ǵa qarsy vaktsınalar jetkilikti mólsherde bar. Azamattar turǵylyqty jeri nemese jumys/oqý orny boıynsha aýmaqtyq qalalyq emhanalarda COVID-19-ǵa qarsy vaktsınatsııa nemese revaktsınatsııadan ótýlerine bolady.

Uqsas jańalyqtar
Qaraǵandy emhanalarynda koronavırýsqa qarsy qandaı vaktsınalardy saldyrýǵa bolady
2022 jylǵy 10 tamyz 21:56

Qaraǵandy emhanalarynda koronavırýsqa qarsy qandaı vaktsınalardy saldyrýǵa bolady

QARAǴANDY. QazAqparat – Oblysta dert juqtyrý sany ósýine baılanysty dárigerler koronavırýsqa qarsy ekpe alýǵa shaqyrady. Búgingi tańda óńirde 160 myńnan astam vaktsına dozasy bar, dep habarlaıdy QazAqparat tilshisi.

Qaraǵandylyqtar emhanada vaktsınalardyń bar-joǵyna alańdaýly. Alaıda oblystyq densaýlyq saqtaý basqarmasynyń málimetinshe, buǵan eshqandaı sebep joq.

«Búgingi tańda oblystyń medıtsınalyq mekemelerinde vaktsınanyń 160 myńnan astam dozasy bar. Onyń ishinde Qaz Vac – 8569, VeroCell – 153 530 doza», - dep habarlady vedomstvonyń baspasóz qyzmeti.

Qaraǵandylyqtar VeroSell Qytaı vaktsınasyn №1,№3, №5 emhanalarda jáne «Mıras» klınıkasynda saldyra alady.

Al qalalyq alǵashqy medıtsınalyq-sanıtarlyq kómek ortalyǵy men №3 emhananyń patsıentteri úshin otandyq QazVac preparatymen koronavırýstan ımmýnızatsııadan ótý usynylady.

Pfizer (Comirnati) vaktsınasyna keletin bolsaq, dárigerler naqty eshteńe aıtpady.

Kóptegen emhanalarda bul preparat taýsylǵan. Tek keıbir medıtsınalyq mekemelerde buryn vaktsınatsııalanǵan jáne revaktsınatsııadan ótip jatqan adamdarǵa ǵana amerıkalyq vaktsına egiledi.

Qaraǵandy qalasynyń №5 emhanasyndaǵy vaktsınatsııa ortalyǵy kelýshilerdi qabyldap, óz jumysyn odan ári jalǵastyryp jatyr.

Mamandardyń aıtýyna qaraǵanda ekpe alýǵa nıet bildirgender sany artqan.

Atalǵan medıtsınalyq mekemege tirkelgen halyqtyń 80 paıyzdan astamy qazirdiń ózinde ımmýndaýdan tolyq ótip, revaktsına alǵan.

«Qazirgi ýaqytta óz aǵzańyzdy qorǵaý úshin qaıta revaktsınatsııa júrip jatyr. Epıdemıologııalyq jaǵdaı bizde turaqsyz. Koronavırýs indetine shaldyqqandar sany artýda. Sondyqtan barlyǵyn qaıta vaktsınatsııalaýǵa shaqyramyz. Tańdaý múmkindigi qarasyrylǵan», - deıdi Qaraǵandy qalasy №5 emhananyń áleýmettik-psıhologııalyq kómek alý bólimshesiniń meńgerýshisi Raısa Borevıch.

Bul vaktsınatsııa ortalyǵyna kún saıyn 20-ǵa jýyq adam keledi.

Birinshi kezekte medıtsına qyzmetkerleri, pedagogtar, polıtsııa qyzmetkerleri, sondaı-aq dıspanserlik esepte turǵan 50 jastan asqan adamdar egiledi.

Densaýlyq saqtaý mınıstrliginde habarlaǵandaı, vaktsınany tutyný qarqynyn eskere otyryp, ımmýnoprofılaktıkany qamtamasyz etý úshin aǵymdaǵy jyldyń sońyna deıin 500 myń doza kóleminde QazVac vaktsınasyn jáne 300 myń doza kóleminde Pfizer vaktsınasyn qosymsha satyp alý josparlanýda.

Esterińizge sala keteıik, Qaraǵandy oblysy búgingi tańda COVID-19 aýrýy boıynsha kóshbasshylar úshtigine kiredi. 9 tamyzda indettiń 200 jaǵdaı tirkeldi.


Zańger Burhan Janseıitov ýaqytsha ustaý ızolıatoryna qamaldy
2022 jylǵy 10 tamyz 11:44

Zańger Burhan Janseıitov ýaqytsha ustaý ızolıatoryna qamaldy

ALMATY. QazAqparat – Almatynyń tergeý soty zańger Burhan Janseıitovke qatysty bultartpaý sharasyn úıqamaqtan ýaqytsha ustaý ızolıatoryna qamaýǵa aýystyrdy, dep habarlaıdy QazAqparat tilshisi.

«Almaty qalasynyń mamandandyrylǵan aýdanaralyq tergeý soty 9 tamyz kúni B. Janseıitovke qatysty úıqamaq túrindegi bultartpaý sharasyn qamaýǵa alýǵa ózgertý týraly sheshim qabyldady. Úıqamaq túrindegi bultartpaý sharasyn 2 aı merzimge qamaýda ustaýǵa ózgertý sanktsııalandy. Qamaý merzimi ustalǵan kezden bastap esepteledi. Qaýly zańdy kúshine engen joq», - dep habarlady qalalyq sottan.

Eske salaıyq, 15 shilde kúni Qarjy monıtorıngi agenttigi Almatyda zańger Burhan Janseıitovtiń ustalǵany týraly habarlaǵan bolatyn. 17 shilde kúni ol úıqamaqqa alyndy.

Al, respýblıkalyq advokattar alqasy zańger Burhan Janseıitovtiń advokat emes ekenin málimdedi.


Zııaly qaýym Almatydaǵy Abaı eskertkishine gúl shoqtaryn qoıdy
2022 jylǵy 10 tamyz 10:27

Zııaly qaýym Almatydaǵy Abaı eskertkishine gúl shoqtaryn qoıdy

ALMATY. QazAqparat – Almaty qalasynda zııaly qaýym ókilderi Abaı eskertkishine gúl shoqtaryn qoıdy, dep habarlaıdy QazAqparat tilshisi.

Shara Abaı alańynda ótti. Oǵan M. Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, aqyn-jazýshylar men qala turǵyndary qatysty.

Abaı – uly aqyn, dana oıshyl, qazaqtyń jańa tarıhı dáýirdegi realıstik jazba ádebıetiniń atasy. Abaı esimi – qazaq halqynyń ulttyq sanasynyń oıanýy men rýhanı qaıta jańǵyrýynyń, qoǵamnyń ozyq kúshteriniń órkenıettilikke umtylysy men áleýmettik ádildiktiń sımvoly.

Buǵan deıin Jańa Qazaqstan azamattaryna arnalǵan «Abaıdyń kisilik kodeksi» qurastyrylǵany týraly jazǵan bolatynbyz.

Ál-Farabı atyndaǵy QazUÝ janyndaǵy Abaı ǵylymı-zertteý ınstıtýtynyń jetekshi ǵylymı qyzmetkeri, fılologııa ǵylymdarynyń kandıdaty Láıla Musalynyń aıtýynsha, «Abaıdyń kisilik kodeksinde» - Abaıdyń tańdamalyq danalyq jáne qara sózderindegi kemel adam, tolyq adam qalyptasyp shyǵý jolynda halyqqa aıtqan ósıetteri iriktelip alynǵan.

Bul – qazirgi qoǵamnyń áleýmettik minez-qulqyn retteıtin zańdyq kúshi bar qujat.

Aıta keteıik, elimizde 2020 jyly Úkimet qaýlysymen 10 tamyz – Abaı kúni dep belgilendi.

Ulttyń uly oıshylynyń ilimin zertteýshiler aıtýly kún qalaı toılanýy kerektigi týraly oı bólisti.



Jańalyqtar

Úrdis

MURAǴAT