Elimizde jumyspen qamtýdyń biryńǵaı tsıfrlyq ekojúıesi qurylǵan - birinshi vıtse-mınıstr
2022 jylǵy 25 mamyr 10:45

Elimizde jumyspen qamtýdyń biryńǵaı tsıfrlyq ekojúıesi qurylǵan - birinshi vıtse-mınıstr

NUR-SULTAN. QazAqparat - Qazaqstanda jumyspen qamtýdyń biryńǵaı tsıfrlyq ekojúıesi qurylǵan. Bul týraly Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov jetkizdi, dep habarlaıdy QazAqparat.

Ózbekstanda ótip jatqan halyqaralyq konferentsııasyda birinshi vıtse-mınıstr Qazaqstanda kásiptik standarttardy ázirleý jalǵasatynyn, biliktilikti taný ortalyqtary arqyly mashyqtardy sertıfıkattaý júrgiziletinin atap ótken. Budan basqa, «Kásiptik biliktilik týraly» zańdy ázirleý jáne Ulttyq biliktilik organyn qurý boıynsha sharalar jalǵasyp jatyr.

«Elektrondyq eńbek bırjasy bazasynda Jumyspen qamtýdyń biryńǵaı tsıfrlyq ekojúıesi, basqasha aıtqanda, halyqqa arnalǵan jumyspen qamtý qyzmetteriniń onlaın sýpermarketi quryldy. Bul ekojúıe azamattardy qyzmet tańdaýdan bastap eńbek qatynastaryn rásimdeýge deıingi kásibı jolda súıemeldeıdi», – dedi ol.

Ekojúıe birneshe elementterden turady: Enbek.kz jumysqa ornalastyrý jónindegi biryńǵaı tsıfrlyq alańy, Skills Enbek onlaın oqytý platformasy, Business Enbek jáne HR Enbek platformalary, sondaı-aq kásipter boıynsha josparlanǵan Tsıfrlyq nusqaýlyq.

Aıta keteıik, buǵan deıin elimizde aldaǵy 5-10 jylda 240-qa jýyq kásip paıda bolýy múmkin ekenin habarlaǵan bolatynbyz.

Al qazirgi tańda Qazaqstanda 300 myńǵa jýyq frılanser jumys isteıdi


Uqsas jańalyqtar

Jańalyqtar

Úrdis

MURAǴAT