Qostanaıdaǵy dámhanada astyrtyn jumys istegen kazıno anyqtaldy
2022 jylǵy 25 mamyr 09:45

Qostanaıdaǵy dámhanada astyrtyn jumys istegen kazıno anyqtaldy

QOSTANAI. QazAqparat - Qostanaı qalasyndaǵy dámhanalardyń birinde astyrtyn jumys istegen poker klýbynyń qyzmeti áshkere boldy, dep habarlaıdy QazAqparat.

Zańsyz derekti Qarjy monıtorıngi agenttigi Qostanaı oblysy boıynsha aýmaqtyq departamentiniń qyzmetkerleri anyqtaǵan.

«Ruqsat etilmegen oıyn mekemesin tekserý kezinde tabylǵan zattaı aıǵaqtar, atap aıtqanda «Poker» oıynyna arnalǵan kásibı ústel, fıshkalar, kartalar jáne qolma-qol aqsha sot úkimi negizinde joıyldy. Sonymen qatar astyrtyn jumys istegen poker klýbynyń uıymdastyrýshylary men sybaılastary Qylmystyq kodekstiń 307-babynda kózdelgen quqyq buzýshylyqty jasaǵany úshin kináli dep tanylyp, olarǵa 2 jyl 3 aı merzimge bas bostandyǵynan aıyrý jazasy taǵaıyndaldy», - dep jazdy vedomstvodan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT