Qazaqstan men Qyrǵyzstan polıtseıleri qylmyspen birlesip kúresýge kelisti
2022 jylǵy 25 mamyr 09:41

Qazaqstan men Qyrǵyzstan polıtseıleri qylmyspen birlesip kúresýge kelisti

BІShKEK. QazAqparat - Jambyl oblysy polıtsııa departamentiniń bastyǵy Armanbek Baımýrzın Qyrǵyzstan Respýblıkasyna jumys saparymen baryp, Chý oblysy ishki ister basqarmasynyń bastyǵy Saparbek Asanalıevpen kezdesti, dep habarlaıdy QazAqparat.

Jıynda eki óńirdiń aýmaǵynda ishki qaýipsizdikti qamtamasyz etý jáne qylmysqa qarsy kúres boıynsha ózara is-qımyl múmkindikteri talqylandy.

Mal urlyǵyna, kontrabandaǵa, uıaly telefon urlyǵyna, avtokólikti aıdap áketý, zańsyz kóshi-qonǵa jáne qarýdyń zańsyz aınalymyna qarsy kúreste birlesken jumysty jandandyrý máseleleri qaraldy.

Eki oblys arasynda ózara árekettestik úshin qajetti qujattarǵa qol qoıylyp, óńiraralyq yntymaqtastyqtyń berik irgetasy qalanǵany atap ótildi.

«Óńirlik qaýipsizdik pen turaqtylyqty qamtamasyz etý - ishki ister organdarynyń negizgi basymdyqtarynyń biri bolyp qala bermek. Eki eldiń polıtsııa qyzmetkerleri izdeýdegi qylmyskerlerdi ózara izdestirý jáne ustaý úshin tıimdi nátıjeli jumys júrgizip otyr. Máselen, ótken jáne bıylǵy jyly polıtseıler Qyrǵyzstannyń quqyq qorǵaý organdarymen birlesip, Jambyl oblysynan tys jerde jasyrynyp júrgen 3 qylmyskerdi quryqtady jáne kórshi elde izdeýde júrgen 16 qylmyskerdiń júrgen jerin anyqtady, - dedi Armanbek Hakımbekuly.

Kezdesý barysynda Qazaqstandaǵy polıtsııa jumysynyń servıstik modeline kóshý jáne polıtsııa qyzmetine tsıfrlandyrýdy engizý máseleleri talqylandy.

Sondaı-aq, Armanbek Baımýrzın jol-kólik apatynan keıin qalpyna kelmeıtin urlanǵan, jalǵan nómirli jáne taǵy basqa kólikterdi jedel anyqtaý úshin derek almasý protsesin qurýdy usyndy.

Bul usynys qoldaý tapty.

Kezdesý sońynda taraptar ekijaqty qarym-qatynasty damytý men nyǵaıtý – zańbuzýshylyqtyń aldyn alý jumysyn jańa deńgeıge kóteretinine nyq senim bildirdi.


Uqsas jańalyqtar
Nur-Sultan qalasynyń polıtseıleri «Abaı kúnin» atap ótti
2022 jylǵy 10 tamyz 13:24

Nur-Sultan qalasynyń polıtseıleri «Abaı kúnin» atap ótti

NUR-SULTAN. QazAqparat - 2020 jyly Qazaqstan Respýblıkasy Úkimetiniń qaýlysymen 10 tamyz elimizdiń merekelik kúntizbesine «Abaı kúni» bolyp bekitildi.

Mereıli mereke aıasynda Nur-Sultan qalasynyń Polıtsııa departamenti uly Abaıdyń 177 jyldyǵyna arnalǵan birqatar is-sharalardy uıymdastyrdy, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Osyǵan oraı, departamentte Abaıdyń asyl murasyn nasıhattaıtyn «Tulǵaǵa taǵzym» atty kitap kórme qoıyldy.

Kórme barysynda jas qyzmetkerler ǵulama aqynnyń, abaıtanýshylardyń, zertteýshilirdiń eńbekterimen tanysý múmkindigine ıe boldy.

Sondaı-aq, departamenttiń vedomstvalyq mýzeı basshysy, tarıh ǵylymdarynyń magıstri Shynar Nurjanqyzy Ýaısova jeke quram arasynda Abaı Qunanbaıulynyń ómirin nasıhattaý, aqynnyń shyǵarmashylyǵy arqyly maqtanysh sezimin, patrıottyq rýhty tárbıeleý boıynsha dáris ótkizdi.

Dáristiń maqsaty – Uly Abaı murasynyń qazaq rýhanııatynda alar orny, urpaq tárbıesindegi mańyzy men onyń qundylyǵy, ulttyq ıdeologııany qalyptastyrýdaǵy róli jóninde keńinen aqparat berý, sol arqyly tártip saqshylarynyń patrıottyq, erlik, jigerlik sezimderin nyǵaıtý bolyp tabylady.

Іs-shara barysynda polıtseıler ǵulama aqynnyń shyǵarmashylyq murasymen, abaıtanýshylardyń zertteýlerimen tereńirek tanysyp, kúndelikti qarbalas jumystarynan bir ýaqyt alshaqtap, paıdaly maǵlumat aldy.


Polıtsııa Uzynaǵash aýylyndaǵy kisi ólimine qatysy bolýy múmkin kúdiktilerge izdeý jarııalady
2022 jylǵy 10 tamyz 13:12

Polıtsııa Uzynaǵash aýylyndaǵy kisi ólimine qatysy bolýy múmkin kúdiktilerge izdeý jarııalady

QONAEV. QazAqparat - Almaty oblysy Jambyl aýdany Uzynaǵash aýylynda adam ólimine qatysy bar kúdiktilerge polıtsııa izdeý jarııalady, - dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, kúdiktiler ustalǵan sátte sot sanktsııasymen birden qamaýǵa alynady. Qazir quzyrly organ tórt adamǵa izdeý jarııalady.

1. Qozybaev Ǵanı Muratuly 1991 jyly 3 qarashada týǵan. Oǵan 99 baptyń (Adam óltiý) 2 bóligi 1,7,9 tarmaǵy jáne 293 baptyń 2 bóligi 3 tarmaǵynda (Qarýdy qoldaný arqyly buzaqylyq jasaý) kórsetilgen qylmysty jasady degen kúdik keltirilip otyr.

2. Tynyshtyqov Asqar Janybekuly 1992 jyly 5 qyrkúıekte dúnıege kelgen. Oǵan «Adam óltirýge» oqtalý baby jáne 293 baptyń 2 bóligi 3 tarmaǵynda (Qarýdy qoldaný arqyly buzaqylyq jasaý) kórsetilgen qylmysty jasady degen kúdik keltirildi.

3. Shokenov Serikbola Muratbekov 1992 jyly 1 qańtarda týǵan. Ol 293 baptyń 2 bóligi 3 tarmaǵynda (Qarýdy qoldaný arqyly buzaqylyq jasaý) kórsetilgen qylmysty jasady degen kúdikke alynyp otyr.

4. Aýkenov Nursultan Baqtııaruly 1992 jyly 25 qarashada dúnıege kelgen. Ol 293 baptyń 2 bóligi 3 tarmaǵynda (Qarýdy qoldaný arqyly buzaqylyq jasaý) kórsetilgen qylmysty jasady degen kúdikke alynyp otyr.

Polıtsııa kúdiktiler jaıly aqparat biletinder tómendegi nomerge habarlasýdy suraıdy.

+7 701 500 08 47, +7 700 200 07 88, +7 702 717 77 17, +7 707 738 78 78, +7 72770 2 26 02 nemese 102.


Qylmystyq top Shyǵys Qazaqstan men Almaty oblystarynda esirtki satyp kelgen
2022 jylǵy 10 tamyz 04:09

Qylmystyq top Shyǵys Qazaqstan men Almaty oblystarynda esirtki satyp kelgen

ÓSKEMEN. QazAqparat – Shyǵys Qazaqstan men Almaty oblystarynda esirtki saýdasymen aınalysqan 6 adam sottaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, ótken jyldyń jazynda polıtseıler Shyǵys Qazaqstan men Almaty oblysyndaǵy iri esirtki arnasynyń jolyn kesý boıynsha keń aýqymdy arnaıy operatsııa júrgizdi.

Bir aı ishinde qylmystyq toptyń barlyq alty múshesi ustaldy. Qazirgi ýaqytta sot úkimimen olar 10 jyldan astam merzimge bas bostandyǵynan aıyryldy.

«Qylmyskerler árdaıym jaldamaly páterlerdi aýystyryp otyrǵan. Esirtki saýdasymen aınalysqan toptyń ár múshesinde ózine júktelgen mindeti boldy. Máselen, bireý jetkizý úshin jaýap berse, endi biri esirtkiniń dozasyn ólshep, keıinnen qala boıynsha arnaıy oryndarǵa jasyryp ketip júrdi. Tintý barysynda satýǵa daıyn shamamen 10 keli sıntetıkalyq esirtki tárkilendi. Bul shamamen 100 000 birrettik dozaǵa teń», - delingen aqparatta.

Endi olardyń barlyǵy qaýipsizdigi ortasha jáne joǵary túzetý mekemelerinde óz jazalaryn óteıtin bolady.


Jańalyqtar

Úrdis

MURAǴAT