Aqtóbe oblysyna 933 mlrd teńge ınvestıtsııa tartylady
2022 jylǵy 25 mamyr 02:02

Aqtóbe oblysyna 933 mlrd teńge ınvestıtsııa tartylady

AQTÓBE. QazAqparat - 2021-2025 jyldar aralyǵynda Aqtóbe oblysyna 5,7 trln teńge, onyń ishinde bıyl 933 mlrd teńge ınvestıtsııa tartý josparlandy, dep habarlaıdy QazAqparat tilshisi.

Aqtóbe oblysynyń ákimdiginde óńir basshysy Ońdasyn Orazalınniń tóraǵalyǵymen ótken jıynda oblys ekonomıkasyna ınvestıtsııa tartý suraqtary talqylandy. Bıyl qańtar-sáýir aılarynda óńirge tartylǵan ınvestıtsııa kólemi 162,9 mlrd teńgeni qurady. Bul jospardan 8,2% kóp.

Sonyń ishinde 300 adamdy jumyspen qamtýǵa múmkindik bergen 8 joba júzege asyryldy. Súzbe men nan-toqash ónimderin shyǵaratyn tseh, saýda ortalyqtary, mobıldi sporttyq-saýyqtyrý kesheniniń qurylysy bastaldy.

Degenmen ınvestıtsııa tartý josparyn oryndamaǵan aýdandar da joq emes. Olar: Qobda, Oıyl, Yrǵyz, Áıteke bı, Alǵa, Temir aýdandary. Oblys ortalyǵynda da osyndaı jaǵdaı. Indýstrıaldy-ınnovatsııalyq damý basqarmasynyń basshysy ​Qýandyq Qasymovtyń sózinshe, bıyl 90,6 mlrd teńgeni quraıtyn 30 ınvestıtsııalyq joba júzege asyrylady. Sóıtip 1100 jańa jumys ornyn qurý josparlanǵan.
«Aýdandarda jáne oblys ortalyǵynda árbir joba únemi baqylaýda bolýy tıis. Ár úsh aı saıyn taldaý júrgizip otyryńyzdar. Eger bir jer kesheýildep jatsa, jaǵdaımen jekeleı aınalysyńyzdar»,- dep tapsyrdy oblys ákimi Ońdasyn Orazalın.
Aıta keteıik, 2021-2025 jyldar aralyǵynda Aqtóbe oblysyna 5,7 trln teńge ınvestıtsııa tartý josparlanyp otyr. Al bıyl 933 mlrd teńge ınvestıtsııa tartylady.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT