«Halyq kredıtine raqymshylyq jasaldy» - aqparat feık
2022 jylǵy 24 mamyr 19:07

«Halyq kredıtine raqymshylyq jasaldy» - aqparat feık

NUR-SULTAN. QazAqparat – QR Qarjy naryǵyn retteý jáne damytý agenttigi áleýmettik jeliler men messendjerlerde kredıttik raqymshylyq jasalǵany jáne halyqtyń qaryzdary esepten shyǵarylǵany týraly taraǵan aqparatqa túsinik berdi, dep habarlaıdy QazAqparat.

Vedomstvo málimetinshe, taralyp jatqan 2019 jylǵy vıdeorolık. Ol kezde «Qazaqstan Respýblıkasy azamattarynyń borysh júktemesin azaıtý sharalary týraly» Memleket basshysynyń Jarlyǵyn (2019 jylǵy 26 maýsymdaǵy) jáne QR Úkimetiniń qaýlysyn (2019 jylǵy 15 shildedegi) oryndaý boıynsha jumystar atqarylǵan bolatyn.

«Osy qaýly sheńberinde kómek 2019 jylǵy qyrkúıekten bastap 2020 jylǵy sáýir aralyǵynda kórsetildi. Nátıjesinde 577,7 myń azamat úshin jalpy somasy 120,5 mlrd teńge bolatyn bereshekti esepten shyǵarý protsedýrasy júrgizildi.

Qaýly 2019 jylǵy 13 jeltoqsanda qoldanysyn toqtatty jáne qazirgi ýaqytta onyń zańdy kúshi joq. Bul bastama birrettik boldy.

Azamattar men buqaralyq aqparat quraldarynan jalǵan málimetterge senbeýdi jáne aqparatty tek resmı jáne tekserilgen derekkózderden alýdy suraımyz», - delingen agenttik habarlamasynda.


Uqsas jańalyqtar
Elordada ekskavator júrgizýshisi shómishpen júk kólikterin qıratty - feık
2022 jylǵy 11 tamyz 03:17

Elordada ekskavator júrgizýshisi shómishpen júk kólikterin qıratty - feık

NUR-SULTAN. QazAqparat - Instagram-da jaqyn jerde turǵan júk kólikterin shómishpen qıratyp jatqan ekskavatorshynyń vıdeosy tarady. Vıdeo astynda kadrlar Nur-Sultanda túsirilgen, al ekskavator júrgizýshisi qaraǵandylyq dep jazylǵan. Jumys berýshi úsh aı boıy jalaqy tólemegendikten ol kólikterdi qırata bastaǵan. Bul ótirik, dep habarlaıdy QazAqparat stopfake.kz saıtyna silteme jasap.

Nur-Sultan qalasynyń polıtsııa departamenti vıdeoǵa qatysty túsinikteme berdi.

«Bul vıdeonyń elordaǵa qatysy joq. Nur-Sultan qalasynyń polıtsııa departamenti qoǵamdyq tártipti buzý nemese uıymdardyń zańdy múddelerine eleýli zııan keltirý qaýpin týdyratyn kórineý jalǵan aqparat taratqany úshin qylmystyq jaýapkershilik kózdelgeni týraly eskertedi», – dep habarlady vedomstvodan.

Shyn máninde, vıdeo 2021 jyldyń qyrkúıeginde Túrkııada Shırnak qalasynda túsirilgen. Ekskavator júrgizýshisi jalaqysyn ýaqytyly almaǵandyqtan bes júk kóligin qıratqan.

Demek, taratylǵan vıdeo ras, biraq Qazaqstanda emes, 2021 jyly Túrkııada túsirilgen. Onyń elordaǵa eshqandaı qatysy joq.


Qant óndiretin kásiporyndarǵa qandaı jeńildikter jasalady
2022 jylǵy 6 tamyz 23:32

Qant óndiretin kásiporyndarǵa qandaı jeńildikter jasalady

NUR-SULTAN. QazAqparat – Eldegi qant tapshylyǵy máselesin sheshýge baǵyttalǵan keshendi jospar aıasynda kásiporyndarǵa jeńildikter jasalady, dep habarlaıdy QazAqparat tilshisi.

Qujatta kórsetilgendeı, 2023 jylǵa deıin qant qyzylshasyn egýmen, ony óńdeýmen aınalysatyn kompanııalarǵa 4 paıyzdan aspaıtyn ústemaqymen nesıe berý pysyqtalady.

Sondaı-aq qant óndiretin kásiporyndarǵa salynatyn salyqqa 70 paıyzdyq jeńildik beretin Salyq kodeksiniń 411-babyn qoldaný merzimi uzartylýy múmkin. Keler jyly bul baǵytta normatıvtik qujattar men ózge de tıisti mindettemelerge ózgeris enedi.

Budan ózge, zaýyttarǵa shıki qantty jetkizý, odan shyqqan daıyn ónimdi temirjol nemese júk kólikteri arqyly tasymaldaý shyǵyndarynyń bir bóligin memleket esebinen óteý máselesi pysyqtalady.

Al 2025 jylǵa deıin «Aqsý-Qant» seriktestigin jáne oǵan irgeles aýmaqtardy damytý úshin termirjol joldary salynady. Buǵan qosa, atalǵan kásiporynǵa ınvestorlar esebinen gaz tartý máselesi qaralady. Bul oraıda, barlyq qant zaýyttary áleýmettik obektiler tobyna engiziledi. ıAǵnı, olarǵa beriletin gaz, mazýt jáne elektr energııasynyń quny naryqtaǵy baǵadan arzan bolady.

Josparǵa qant ıportyna qatysty da máseleler engen. Oǵan sáıkes, atalǵan taýardy Eýrazııalyq ekonomıkalyq odaqqa múshe elderden eń tómengi baǵalarmen satyp alý úshin sharalar qabyldanady.

Aldaǵy 4 jylda ınvestıtsııalyq qarajat esebinen elimizde qant zaýyttary salynady. Degenmen josparda qansha kásiporynnyń boı kóteretini kórsetilmegen.

Keshendi jospardy iske asyrý úshin negizgi qarajat Agroónerkásiptik keshendi damytý jónindegi ulttyq joba aıasynda bólinedi. Sonymen birge, jeke ınvestıtsııa, Islam damý banki, respýblıkalyq jáne jergilikti bıýdjetten de qarjy alynady.

Buǵan deıin 2026 jylǵa deıin qant óndirisin damytýdyń keshendi jospary jasalatynyn jazǵan bolatynbyz.


Joǵary paıyzben qaryz bergen mıkroqarjy uıymy lıtsenzııasynan aıyryldy
2022 jylǵy 6 tamyz 14:12

Joǵary paıyzben qaryz bergen mıkroqarjy uıymy lıtsenzııasynan aıyryldy

NUR-SULTAN. QazAqparat – QR Qarjy naryǵyn retteý jáne damytý agenttiginiń Nur-Sultan qalasyndaǵy óńirlik ókilderi basqarmasy bastyǵynyń buıryǵyna sáıkes «Kvıký» mıkroqarjy uıymy» JShS qyzmetti júzege asyrýǵa arnalǵan lıtsenzııasynan aıyryldy, dep habarlaıdy QazAqparat.

Lıtsenzııadan aıyrý úshin «Mıkroqarjylyq qyzmet týraly» QR Zańynyń 16-baby 2-tarmaǵynyń 2) jáne 4) tarmaqshalaryndaǵy talaptar negiz boldy. Bul turǵyda qyzmetin Qazaqstan Respýblıkasy zańdarynyń talaptaryn, sondaı-aq ýákiletti organnyń, QR Ulttyq bankiniń normatıvtik quqyqtyq aktilerin júıeli túrde buza otyryp júzege asyrsa, tıisti sheshim qabyldanady. Sonymen qatar, zańda kózdelmegen qyzmet túrlerin júzege asyrǵan jaǵdaıda lıtsenzııasynan aıyrylady.

QR Qarjy naryǵyn retteý jáne damytý agenttigi málimetine qaraǵanda, mıkroqarjy uıymy óz qyzmetinde on eki aı ishinde esepteý tártipterin jáne qaryz alýshynyń borysh júktemesi koeffıtsıentiniń ári jyldyq tıimdi syıaqy mólsherlemesiniń shekti mánderin saqtamaýyna, sondaı-aq qaryz alýshylardan zańda kózdelmegen ózge de tólemderdi alýǵa qatysty zań buzý áreketterine jol bergen. Bul jaǵdaı qaryz alýshylardyń borysh júktemesiniń negizsiz ulǵaıýyna ákelgen, ıaǵnı MQU-nyń júıeli túrde qyzmetin teris paıdalanǵanyn baıqatyp otyr», - delingen

«Mıkroqarjy uıymyn lıtsenzııasynan aıyrý qaryz alýshylardy uıym aldyndaǵy óz mindettemelerin ýaqtyly jáne tolyq kólemde oryndaý mindetinen bosatpaıdy», - dep naqtylady agenttik.


Jańalyqtar

Úrdis

MURAǴAT