SQO-nyń Tımırıazev aýdanyna jańa ákim taǵaıyndaldy
2022 jylǵy 24 mamyr 19:24

SQO-nyń Tımırıazev aýdanyna jańa ákim taǵaıyndaldy

PETROPAVL. QazAqparat – Soltústik Qazaqstan oblysy ákiminiń ókimimen Erlan Jarov Tımırıazev aýdanynyń ákimi bolyp taǵaıyndaldy, dep habarlaıdy QazAqparat tilshisi.

SQO ákimi Qumar Aqsaqalov búgin Tımırıazev aýdany aktıvine jáne máslıhat depýtattaryna jańa ákim Erlan Jarovty tanystyrdy.

Erlan Jarov 1982 jyly týǵan. Eki joǵary bilimi bar: 2003 jyly Qaraǵandy «Femıda» zań akademııasyn «zańtaný» mamandyǵy boıynsha, 2007 jyly Sh. Ýálıhanov atyndaǵy Kókshetaý memlekettik ýnıversıtetin «menedjment» mamandyǵy boıynsha támamdaǵan.

Eńbek jolyn 2001 jyly Kókshetaý qalasyndaǵy «Dezınfektsııa» AQ zańger bolyp bastaǵan.

2003 jyldan bastap 2015 jylǵa deıin Taıynsha aýdandyq ákimdiginde birqatar qyzmetti atqardy. Aýdan ákiminiń orynbasary qyzmetine deıin kóterildi.

2015-2016 jyldary Aqmola oblysy Kókshetaý qalasy «Agrofırma Qazeskportastyq» JShS bas dırektordyń orynbasary boldy.

2015-2018 jyldary Aqmola oblysy Zerendi aýdany Zerendi aýylynda «Zerenda-Astyk» JShS dırektory laýazymyn atqardy.

2016-2019 jyldar aralyǵynda Aqmola oblysy Zerendi aýdany «Qyzylegis» fermerlik sharýashylyǵynyń basshysy boldy.

2019 jyldan osy taǵaıyndaýǵa deıin Taıynsha aýdany ákiminiń aýyl sharýashylyǵy jáne kásipkerlik máseleler jónindegi orynbasary bolyp eńbek etti.


Seriktester jańalyqtary

Jańalyqtar

Úrdis

MURAǴAT