Qyzylordada satyp alý zańnamasyn buzǵan 214 memqyzmetshi jazalandy
2022 jylǵy 24 mamyr 14:56

Qyzylordada satyp alý zańnamasyn buzǵan 214 memqyzmetshi jazalandy

QYZYLORDA. QazAqparat - Qyzylorda oblysynda memlekettik satyp alý zańnamasyn buzǵan 214 memlekettik qyzmetshi jaýapqa tartyldy, dep habarlaıdy QazAqparat tilshisi.

Óńirde memlekettik satyp alý básekelestik ortada júrgizilmegen jaǵdaıy kezdesken.

Saldarynan kásipkerlerdiń satyp alýǵa qatysý jáne ol úshin teń múmkindikter berý quqyǵy shektelipgen.

«Memlekettik satyp alýdy negizsiz bir kózden alý tájirıbege aınalǵany anyqtaldy. Atap aıtqanda, Aral aýdandyq qurylys bólimi birqatar jumystar men qyzmetterdi satyp alýǵa zańsyz tikeleı bir kózden shart jasaýǵa júıeli túrde jol bergen. Bul bólim 2019-2021 jyldary 1 mlrd 400 mln teńgege zańsyz 54 osyndaı shart jasaǵan. Onyń ústine atalǵan qyzmetterdi tek belgili bir tulǵadan alyp kelgen. Oblys prokýratýrasynyń qadaǵalaý aktisi boıynsha vedomstvolyq baqylaý júrgizbegeni úshin Aral aýdanynyń ákimi men onyń orynbasary tártiptik jazaǵa tartyldy. Al bólim basshysyna 8 mln teńge ákimshilik aıyppul salynyp, ol qyzmetinen bosatyldy», - dedi Qyzylorda oblysy prokýratýrasynyń basqarma basshysy Aıdos Ábdibaev.

Bıyldan bastap «Memlekettik satyp alý týraly» zańǵa ózgerister engizildi.

Onda bir kózden memlekettik satyp alý tek basqa tásilmen satyp alý múmkin bolmaǵan aıryqsha jaǵdaıda júzege asyrylatyny kórsetilgen.

«Atalǵan ózgeristerge qaramastan bıyl 19 kent pen aýyl ákimdikteri zańsyz 459 mln teńgege bir kózden 108 shart jasaǵany anyqtaldy. Tereńózek kenti ákimdigi 224 mln teńgege 39 negizsiz shart jasalǵan. Osyndaı zańbuzýshylyqtar Qazalyda 90, Jalaǵashta 46, Qarmaqshyda 52, Shıelide 24, Jańaqorǵan aýdanynda 4 mln teńgeni quraǵan. Óz kezeginde atalǵan memlekettik satyp alýlar basqa da áleýetti ónim berýshiler arasynda báseke ornatyp, baǵa usynysyn suratý nemese konkýrs tásilimen júrgizý qajet. Sondyqtan prokýratýra tarapynan negizsiz jasalǵan sharttardyń kúshin joıý jáne laýazymdy adamdardyń jaýaptylyǵyn qaraý úshin qadaǵalaý aktileri engizildi», - dedi A. Ábdibaev.

Eske salsaq, budan buryn Qyzylordada prokýratýra 134 mln teńge bıýdjet qarajatyn jymqyrý derekterin anyqtaǵanyn jazǵan edik.



Uqsas jańalyqtar
Atyraýda kóshi-qon polıtsııasynyń bastyǵyna qatysty tergeý qysqaryp ketti
2022 jylǵy 9 tamyz 22:48

Atyraýda kóshi-qon polıtsııasynyń bastyǵyna qatysty tergeý qysqaryp ketti

ATYRAÝ. QazAqparat – Atyraý oblystyq polıtsııa departamenti kóshi-qon qyzmeti basqarmasynyń burynǵy bastyǵyna qatysty sotqa deıingi tergeý qysqartyldy, dep habarlaıdy QazAqparat.

Sybaılas jemqorlyqqa qarsy is-qımyl agentigi óńirlik departamentiniń qyzmetkerleri Rýslan Ádilovke qatysty sotqa deıingi tergeý 28 sáýirde bastaǵan edi.

«Qylmystyq is júrgizý kodeksiniń 35-baby 1-bóligi 2) tarmaǵynyń negizinde QR Qylmystyq kodeksiniń 190-babynyń 3-bóligi 2) tarmaǵymen Atyraý oblysy polıtsııa departamenti kóshi-qon qyzmeti basqarmasynyń bastyǵy R.Ádilovke qatysty sotqa deıingi tergeý toqtatyldy. Sotqa deıingi tergeý barysynda R. Ádilov kúdikti dep tanylmady jáne onyń áreketi qylmys retinde saralanbady», - dep habarlady oblystyń sybaılas jemqorlyqqa qarsy is-qımyl departamentinen.

Eske sala ketelik, budan buryn Atyraý oblystyq polıtsııa departamenti kóshi-qon qyzmetiniń basshysy ustalǵanyn jazǵan edik.

Polıtsııa polkovnıgine qatysty QR Qylmystyq kodekstiń 28-babynyń 4-bóligimen, 367-baptyń 3-bóligimen qylmystyq is qozǵalǵan bolatyn.

Tergeý málimetine qaraǵanda, kúdikti aǵasymen birge elden shyǵarylý qaýpi tóngen Moldova azamatynan Atyraý qalalyq sotynyń sýdıasyna para berýdi suraǵan.

Polıtsııa polkovnıgine 6 myń dollar kóleminde parany rekrýtıng agenttiginiń dırektory jetkizip bergen.

Alaıda, sheteldik valıýta sýdıaǵa jetkizilmegen.


Orynbasarynyń jemqorlyǵy úshin Ekibastuzdyń ákimi otstavkaǵa ketti
2022 jylǵy 8 tamyz 17:50

Orynbasarynyń jemqorlyǵy úshin Ekibastuzdyń ákimi otstavkaǵa ketti

EKІBASTUZ. QazAqparat - Pavlodar oblysynyń ákimi Ekibastuz qalasy ákiminiń otstavkasyn qabyldady, dep habarlaıdy QazAqparat.

«Memlekettik qyzmet týraly» Zańǵa sáıkes Ekibastuz qalasynyń ákimi baǵynyshty qyzmetkeriniń sybaılas jemqorlyq quqyq buzýshylyǵy úshin otstavkaǵa ótinish berdi.

Pavlodar oblysy ákimdigi baspasóz qyzmetiniń málimetinshe, ol 8 tamyzdan bastap atqaryp otyrǵan laýazymynan bosatylǵan.

Ekibastuz qalasynyń ákimi Ardaq Qańtarbaev otstavka týraly ótinishin óziniń tikeleı baǵynysyndaǵy qyzmetker - qala ákiminiń orynbasary Baýyrjan Ahmetovke qatysty sot úkimi kúshine engen soń berdi.

Pavlodar oblysynyń ákimi Ábilqaıyr Sqaqov otstavkany qabyldap, Ekibastuz qalasynyń ákimi Ardaq Qańtarbaevty laýazymynan bosatty.

Ardaq Qańtarbaev Ekibastuz qalasy ákiminiń laýazymynda 2020 jyldyń qyrkúıek aıynan bastap jumys istegen edi.

Eske sala keteıik, Ekibastuz qalasy ákiminiń orynbasary para alǵany úshin sottalǵan.

Maýsym aıynda Ekibastuz qalalyq soty Ekibastuz ákiminiń orynbasary Baýyrjan Ahmetovke jáne onyń qaramaǵyndaǵy TKSh bólimi basshysynyń orynbasary A.Sadyqov pen sol bólimniń bas mamany K.Túsipbekovke qatysty úkim shyǵardy.


Jańalyqtar

Úrdis

MURAǴAT