Kanelo Golovkınmen úshinshi jekpe-jegi qyrkúıek aıynda ótetinin resmı aıtty
2022 jylǵy 23 mamyr 22:15

Kanelo Golovkınmen úshinshi jekpe-jegi qyrkúıek aıynda ótetinin resmı aıtty

NUR-SULTAN. QazAqparat – Meksıkalyq boksshy Saýl «Kanelo» Alvares qazaqstandyq boksshy Genadıı Golovkınmen jekpe-jekke shyǵatyny týraly resmı aıtty, dep habarlaıdy QazAqparat.

«Jaqyn kúnderi biz jekpe-jek týraly habaılaıtyn bolamyz. Árıne, Golovkınge qarsy jekpe-jek aldynda kelisilgendeı qyrkúıek aıynda bolady. Sonymen qatar sál keıin Bıvolmen de revansh ótkizetin bolamyn», - dedi «Kanelo» baspasóz máslıhatynda.

Eske salsaq, 8 mamyrda meksıkalyq boksshy Saýl «Kanelo» Alvares reseılik Dmıtrıı Bıvoldan jeńilip qalǵan edi.

Qazaqstandyq boksshy GGG men Kanelo arasyndaǵy buǵan deıingi eki jekpe-jek te Las-Vegastyń T-Mobile arenasynda ótti. Birinshi jekpe-jek teń eseppen jáne al ekinshi tóreshilerdiń kópshilik sheshimimen Alvarestiń jeńisimen aıaqtaldy.




Uqsas jańalyqtar

Jańalyqtar

Úrdis

MURAǴAT