Almatyda birqatar kóshe 3 aıǵa jabylady
2022 jylǵy 23 mamyr 22:56

Almatyda birqatar kóshe 3 aıǵa jabylady

ALMATY. QazAqparat- Almatyda qyrkúıek aıyna deıin birneshe kóshe jylý jelilerin qalpyna keltirý úshin jabylady, dep habarlaıdy QazAqparat tilshisi.

25 mamyr men 1 qyrkúıek aralyǵynda Almaty qalasynyń Jetisý aýdanyndaǵy Serikov kóshesi (Gúlder saıabaǵy aýmaǵynan saıabaq aımaǵyndaǵy Qazybaev kóshesine deıin), Qazybaev kóshesi (Serikov kóshesinen soltústik baǵytta № 288 úıge deıin), Maqataev kóshesi (Ońtústik baǵytta Angarskaıa kóshesinen «Aınabulaq-3» shaǵyn aýdanyna deıin jabylady.

Sonymen qatar, Bostandyq aýdanynda Erǵojın kóshesinde kólik qozǵalysy shekteledi.
Medeý aýdanynda 25 mamyr men 1 qyrkúıek aralyǵynda Qazybek bı kóshesi (Ýálıhanov kóshesinen Abdýllın kóshesine deıin), Pýshkın kóshesi (Qarasaı batyr kóshesinen ońtústik baǵytta Tóle bı kóshesine deıin) jabylady.
1 maýsym men 1 qyrkúıek aralyǵynda Medeý aýdanynda Tóle bı kóshesinde (Batys baǵytta Ýálıhanov kóshesinen Zenkov kóshesine deıin) kólik qozǵalysyna shekteý engiziledi.
7 maýsym men 1 qyrkúıek aralyǵynda - Áýezov aýdanynda Sadovnıkov kóshesinde (Tóle bı kóshesinen Ótegen batyr kóshesindegi № 82 úıge deıin).
Engizilgen shekteýler osy kóshe ýchaskeleriniń júris bóligimen ótetin qubyrlardy qaıta qurý boıynsha jumystardyń qaýipsizdigin qamtamasyz etý úshin qajet
«Jergilikti turǵyndarǵa qolaıly jaǵdaı jasaý úshin olardyń úılerine ystyq sý ýaqytsha shema boıynsha jetkiziledi»,- dep habarlady «Almaty jylý jelileri» JShS.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT