Revaktsınatsııadan ótýi tıis adamdar sanaty keńeıtildi –qaýly
2022 jylǵy 23 mamyr 21:56

Revaktsınatsııadan ótýi tıis adamdar sanaty keńeıtildi –qaýly

NUR-SULTAN. QazAqparat – QR Bas sanıtar dárigeriniń jańa qaýlysy boıynsha kronavırýsqa qarsy revaktsınatsııa qabyldaıtyndardyń qatary keńeıtiledi, dep habarlaıdy QazAqparat tilshisi.

Naqtyraq aıtsaq, «Qazaqstan Respýblıkasynda koronavırýs ınfektsııasy jónindegi sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy uıymdastyrý jáne ótkizý týraly» Qazaqstan Respýblıkasynyń Bas memlekettik sanıtarııalyq dárigeriniń 2022 jylǵy 13 qańtardaǵy № 2 qaýlysyna ózgeris engizilip otyr.

Atalǵan qaýlynyń burynǵy redaktsııasynda 129 tarmaq mynadaı mátinmen jazylǵan bolatyn:

«Qazaqstannyń aýmaǵynda 3 jáne odan da kóp aı turatyn, KVI-ge qarsy vaktsınatsııanyń bastapqy kýrsyn tolyq aıaqtap alǵan shetel azamattaryn qosa alǵanda, barlyq adamdar KVI-ge qarsy revaktsınatsııaǵa jatady». Endi osy tarmaq bylaı ózegrtilmek:

«Qazaqstannyń aýmaǵynda 3 jáne odan da kóp aı turatyn shetel azamattaryn qosa alǵanda, barlyq adamdar KVI-ge qarsy revaktsınatsııaǵa jatady.

KVI-ge qarsy revaktsınatsııa KVI-ge qarsy aldyńǵy profılaktıkalyq ekpeden keıin 6 aı aralyqpen KVI-ge qarsy vaktsınatsııanyń tolyq kýrsyn jáne buryn birinshi revaktsınatsııany alǵan adamdarǵa júrgiziledi», - dep jazylady.

Al algorıtminiń 130-tarmaǵy mynadaı redaktsııada jazylmaq:

«KVI-di juqtyrý qaýpi joǵary (basymdylyǵy boıynsha) myna adamdar KVI-ge qarsy qaıta revaktsınatsııalaýǵa jatady:

1) medıtsına qyzmetkerleri;

2) medıtsınalyq-áleýmettik mekemelerdiń kontıngenti men personaly;

3) kúsh qurylymdarynyń qyzmetkerleri;

4) pedagogtar;

5) penıtentsıarlyq (qylmystyq-atqarý) júıe mekemeleriniń kontıngenti;

6) 50 jastan asqan adamdar».

Burynǵy redaktsııada 130-tarmaq ymnadaı mátinmen jazylǵan edi:

«KVI-ge qarsy revaktsınatsııa KVI-ge qarsy vaktsınatsııanyń bastapqy kýrsy aıaqtalǵannan keıin 6 aı aralyqpen bir ret júrgiziledi».

Qaýly 25 mamyrdan bastap kúshine enedi. Qujattyń mátinin myna jerden kórýge bolady.

Buǵna deıin revaktsınatsııa úshin Pfizer ekpesiniń 500 myńnan astam dozasy satyp alynaatynyn jazǵan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT