Tehnıkalyq mamandyqtarǵa «Bolashaq» boıynsha beriletin grant sany 60 paıyzǵa ósti
2022 jylǵy 23 mamyr 15:45

Tehnıkalyq mamandyqtarǵa «Bolashaq» boıynsha beriletin grant sany 60 paıyzǵa ósti

NUR-SULTAN. QazAqparat - «Bolashaq» boıynsha qujattardy qabyldaý bastaldy.Ótinishter 2022 jyldyń 14 qazanyna deıin Egov.kz arqyly qabyldanady. Bul týraly QazAqparat BǴM silteme jasap habarlaıdy.

Myna siltemege ótip, «Bolashaq» stıpendııasynyń konkýrstyq irikteýine qatysýǵa ótinim berýge bolady.

Al taǵylymdamadan ótýge 5 qyrkúıek pen 14 qazan aralyǵynda qujattar qabyldanady.
Konkýrstyq irikteý 2022 jyldyń 30 mamyr men 30 qarasha aralyǵynda ótedi.
Osy jyly magıstratýra men rezıdentýraǵa 385, doktorantýraǵa 60 stıpendııa bólindi.
Memleket basshysynyń tapsyrmasymen «Bolashaq» baǵdarlamasyn qaıta baǵdarlaý protsesi iske qosyldy.
Tehnıkalyq jáne IT mamandyqtarǵa granttar sany 60 paıyzǵa deıin ulǵaıtyldy.
Basty nazar ınjenerlik-tehnıkalyq kadrlardy daıarlaýǵa aýdarylady:
«Injenerlik júıeler men jeliler», «Avıatsııa jáne aeroǵaryshtyq tehnıka. Áýe qozǵalysyn basqarý», «Úlken derekterdi taldaý», «Jańa materıaldar tehnologııasy», «Derekter bazasyn basqarý», «Avıatsııalyq tehnıka jáne tehnologııalar», «Mashına jasaý», «Ónerkásiptik avtomattandyrý» jáne t.b.
Tizimge ınnovatsııalar, jańa tehnologııalar, medıtsına jáne ónerkásiptik ınjenerııa, jaratylystaný ǵylymdary salasyndaǵy 40 jańa mamandyq engizildi. Olardyń 17-si ataýlaryn keńeıtý arqyly burynnan bar mamandyqtarǵa endi.
Jalpy bıyl «Bolashaq» baǵdarlamasy boıynsha basym mamandyqtar tiziminde akademııalyq oqýǵa 92, taǵylymdamadan ótýge 158 mamandyq qarastyrylǵan. Basym mamandyqtar tizimi tehnıkalyq mamandyqtarmen 30%-ǵa keńeıtildi.
«Bolashaq» halyqaralyq stıpendııasyna konkýrstyq irikteý 3 kezeńnen turady:
1. Keshendi testileý;
2. Táýelsiz sarapshylyq komıssııasy múshelerimen jeke áńgimelesý;
3. Shetelde kadrlar daıarlaý jónindegi respýblıkalyq komıssııa otyrysynda qujattardy qaraý.
Basym mamandyqtar tizimi
Usynylatyn ýnıversıtetter tizimi
Qajetti qujattar tizimi


Seriktester jańalyqtary

Jańalyqtar

Úrdis

MURAǴAT